टोकियो/जापान । गैरआवासीय नेपाली संघ जापानको आगमी कार्यकाल ( सन २०२१-२३)को लागि राम कृष्ण श्रेष्ठले उपाध्यक्ष पदमा दाबेदारी प्रस्तुत गरेका छन् ।
नेपालको सिन्धुपाल्चोक स्थायी घर भई जापानको फुकुओका बस्दै आएका श्रेष्ठ, विगत लामो समयदेखि एनआरएनए अभियानमा प्रत्यक्ष संलग्न रहँदै आएका छन् । यस अघि पनि उपाध्यक्षका दावेदार रहेका श्रेष्ठले सहमती र सहकार्य महत्वपूर्ण मान्दै,अन्य प्रतिस्पर्धीहरुका लागि मैदान खाली गरिदिएका थिए ।

नेपालन्युजपोस्टसंग कुरा गर्दै आफ्नो उमेद्वारीबारे श्रेष्ठले भने-‘एनआरएनए जापान भित्र हाल देखिएको बितृष्णा र नैराश्यतालाइ कम गर्दै, सबै गैरआवासीय नेपालीहरुको प्यारो एनआरएनए (NRNA )बनाउने सोचका साथ यस पटक उपाध्यक्ष पदमा उमेद्वारी दिने घोषणा गरेको हुँ ।’

उनले – काँधमा जिम्मेवारी,काममा इमान्दारी, सम्बन्धमा समझदारी भन्ने मुल नाराका साथ जिम्मेवार एनआरएनए अभियन्ता बन्दै संघको छवि सकारात्मक बनाउने प्रतिबद्धता व्यक्त गरेका छन् ।

एनआरएनए बाहेक पनि अन्य सामाजिक संघ/संस्थामा नेतृत्वदायी भूमिका निभाईसकेका श्रेष्ठ उपाध्यक्ष पदका एक अब्बल दावेदार हुन् ।