टोकियो/जापान ।छानबीन समितिले बुझाएको करोडौँ अनियमितताको छिनोफानो नै नभई अधिवेशन तर्फ अघि बढेको गैरआवासीय नेपाली संघ जापानलाई अधिवेशनको तयारीको क्रममा फेरि अर्को आर्थिक अनियमितताको प्रश्न खडा भएकोछ ।

अधिवेशनको तयारी स्वरुप आह्वान गरिएको सदस्यता प्रमाणीकरणका लागि, जिम्मा लिएका कार्यसमितिका पदाधिकारीहरुले आफुले जिम्मा लिएको सदस्यता प्रमाणिकरणका लागि समय अभाव भएको भन्दै आफु़खुसी पार्टटाईम कर्मचारी राखेर काम गरेको र सोहि बापत ५३ मान ( ५ लाख ३० हजार )येन मनलाग्दी ढंगबाट खर्च गरेको भन्दै सुरुभएको आलोचना,अधिवेशन नजिकिँदै गर्दा झन चर्किकिँदै गएको बुझिएको छ ।

एनआरएनए जापानको केहि दिन अघि (जुलाई ४ मा)कार्यवाहक अध्यक्ष अनिता गुरुङको अध्यक्षतामा बसेको बसेको बैठकमा सो भुक्तानीबारे गरिएको निर्णय यसरी सामाजिक संजालभरी पोस्ट भएका थिए । हेर्नुस् जस्ताको तस्तै

यो विषयलाई लिएर यस अघिनै एनआरएनए जापानको कार्यसमिति भित्र तथा बाहिरका विभिन्न फोरमहरुमा व्यापक टिकाटिप्णी भएता पनि,संलग्न पदाधिकारीहरुले विगतमा पनि यस्तै नजिर रहेको र समय छोटिदैँ जाँदा समयमा नभ्याउने देखिएपछि आफुहरुले पार्टटाईम कर्मचारी राखी काम गरेको प्रतिकृया दिँदै आएका छन् । त्यसो त, त्यो विषयलाई त्यस बैठकमा उपस्थित भएका बहुमत सदस्यहरुले पारित गरिसकेका छन् ।

यसैविच, आज हामीलाई, एनआरएनए जापान क्षेत्रीय समिति ओकिनवाले कार्यसमितिलाई सो रकम यानेकि अघिल्लो बैठकको निर्णय नम्बर  ४ मा उल्लेखित विषयबारे स्पष्ट पारिदिन आग्रह गरिएको पत्र प्राप्त भएकोछ । जुलाई १४ तारिखको मिति उल्लेख भएता पनि एनआरएनए जापानमा आज( १५ जुलाईमा) पेश गरिएको बुझिन आएको पत्र यस प्रकार रहेको छ । पत्र जस्ताको त्यस्तै