चिबा/जापान । एनआरएनए चिवाले शुक्रबार जापानको फुनाबासीमा सम्मान तथा शुभकामना कार्यक्रम सम्पन्न गरेको छ ।

कार्यक्रममा चिबा क्षेत्र बाट प्रतिनिधित्व गर्दै एनआरएनए जापानको बरिष्ठ उपाध्यक्षमा निर्वाचित नबिन निउरे, सदस्यमा निर्वाचित लक्ष्मी केसी महर्जनलाइ सम्मान गर्दै कार्य सफलताको शुभकामना ब्यक्त गरिएको थियो ।

त्यसैगरी एनआरएनए चिवाका सल्लाहकार एवं निवर्तमान संयोजक विश्व सुबेदी, सल्लाहकार आनन्द कोइराला र बुद्द बस्नेत, निर्वाचन कमिटिका संयोजक रामकृष्ण बम मल्ल, पत्रकार महासंघ जापान शाखाका सदस्य दीपक गौतम लगायत लाइ खादा ओढाएर सम्मान गरिएको एनआरएनए चिवाले जनाएको छ ।

कार्यक्रममा शुभकामना ब्यक्त गर्दै चिवाका संयोजक मुक्तिराज रेग्मीले केन्द्र र क्षेत्रहरुबीच सहकार्य गरेर अगाडी बढ्नु पर्नेमा जोड दिए । ‘केन्द्र र क्षेत्रबीच तालमेल मिलेन भने हामी सफल हुन सक्दैनौ’ उनले भने ‘त्यसैले हामी एकआपसमा सहकार्य गरेर, एकले अर्का संग हातेमालो गर्दै कामहरु गर्नु पर्छ ।’

कार्यक्रमको संचालन चिवा क्षेत्रीय समितिका सचिव शंकर सुबेदीले गरेका थिए ।