दीपक गौतम
जापानको यातायात मन्त्रालयले नया हवाई टिकट बिक्रि नगर्न हवाई कम्पनीहरुलाई आग्रह गरेको छ ।

दक्षिण अफ्रिकामा देखा परेको ओमिक्रोन भाइरसको सक्रमण नियन्त्रण गर्न भन्दै बिदेशी प्रबेशमा प्रतिबन्ध लगाएको जापानले हवाई कम्पनीहरुलाई अन्तराष्ट्रीय उडानका नया टिकट बूकिङ्ग नगर्न आग्रह गरेको हो ।

यस अघि जापानले जापानमा नया प्रवेश गर्ने बिदेशीहरुको प्रवेशमा प्रतिबन्ध लगाउने र १ दिनमा ३ हजार ५०० जनालाई मात्रै प्रवेश गर्ने निर्णय गरेको थियो ।

नामिबिया बाट जापान प्रवेश गरेका एक विदेशीलाइ दक्षिण अफ्रिकामा भेटिएको ओमिक्रोनको सक्रमण पुष्टि भएपछि जापानले आफ्ना नीतिहरु आक्रामक ढंगले परिवर्तन गर्दै आएको छ ।

यसैबीच जापानमा एक अर्का विदेशीलाई ओमिक्रोन संक्रमणको पुष्टि भएको छ । केहि दिन अघि जापानको नारिता अन्तराष्ट्रीय बिमानस्थलमा झरेका ति व्यक्तिलाई कोरोनाको नया भेरिएण्ट ओमिक्रोनको सक्रमण देखिएको हो । यो सहित जापानमा ओमिक्रोन सक्रमितको संख्या २ पुगेको छ ।