जापान । जापानको रेल सेवा संसारकै उत्कृष्ट मध्ये एक हो भन्ने कुरा त धेरै पटक सुनिसक्नु भएको छ । अनि पक्कै किन उत्कृष्ट छ भन्ने पनि धेरै हदसम्म थाह पाईसक्नुभएको होला ।
सबैभन्दा समयनिष्ट, अत्याधुनिक, तीब्र गतीमा गुड्ने, दुर्घटना दक अत्यन्तै कम, सफा अनि सिष्ट कर्मचारी सायद जापानको रेल चढेका र यसबारे चासो राख्नेहरुले यति कुरा चाहीँ लगभग थाह पाएका हुन्छन् ।

आजको यस सामग्रीमा,हालसालै जापानको टोकियो बाहिरको एउटा सानो रेल स्टेसन र रेल लाईनमा देखिएको जापानको रेलसेवाको उत्कृष्ट र फरक शिष्टाचारको प्रसंग उल्लेख गर्दैछौँ । जापान सेवाग्राहीलाई शिर निहुर्याएर अभिवादन गर्नु संस्कार हो, यो अधिकांस ठाउँहरुमा सजिलै देख्न तथा अनुभव गर्न सकिन्छ । तर जापानको खागोसिमा प्रान्तको निसि एई भनिने एउटा सानो रेल स्टेसनका कर्मचारीले रेलका हरेक यात्रुहरुलाई शिर झुकाएर अभिवादन व्यक्त गर्दछन् । हाल सालै सार्वजनिक भएको एउटा युट्युब भिडियो यतिखेर जापानको आतिथ्य सत्काकारको नमुनाको रुपमा जापान र जापानको बारेमा चासो राख्नेहरुका बिच चर्चामा छ ।

हामीले पढ्दै आएको अतिथि देवः भव चाहीँ साँच्चै अनुभव गर्न सकिने मुलुक हो जापान । तर टोकियो जस्ता ठूला/ठुला सहरहरुमा मानिसहरुको चाप,व्यवस्थता तथा बाह्या मुलुकहरुको प्रभाव आदि कारणले वास्तविक जापानी संस्कार सबै ठाउँमा देख्न पाईन्न । यद्यपी धेरै पसल तथा सेवास्थलहरुमा भने कायमै छ । तर खागोसिमाको यो सानो लिमिटेड एक्स्प्रेस नुमेरीका कर्मचारीले गर्ने जस्तो अभिवादन चाहीँ देख्नु र भोग्नु दुवै दुर्लभ भईसकेको छ ।

आजको प्रसंग चाहीँ जापानको त्यो स्थानको हो, जहाँ जीवन अलि बिस्तारै चल्छ र मुस्कानहरू अलि बढी स्वतन्त्र रूपमा प्रस्तुत हुन्छन् । सन १९६० मा खोलिएको निसि एई स्टेशन, कागोशिमा प्रान्तको क्युशु रेलवे कम्पनी द्वारा संचालित इबुसुकी माकुराजाकी लाइनको बिसौनी मध्ये एक हो, र धेरै पुराना-स्कूल मार्गहरू आज पनि यहाँ प्रयोगमा छन्। जहाँ अत्यन्तै व्यस्थ समयमा पनि कर्मचारीहरु यात्रुहरुलाई शिर निहुराएर अभिवादन गर्दछन् । र ट्रेन गुड्दै गर्दा हात हल्लाएर शुभयात्रा भन्न समेत भ्याउँदछ्न । हेर्नुहोस