जापानमा यतिबेला नयाँ विद्यार्थीहरुमा कामको समस्या देखिएको छ । तपाईंहरुले सामान्य रुपमा भाषा बोल्न र बुझ्न नसक्दा सम्म यो समस्या अझै केही महिना रहने अनुमान गरिएको छ । हो हामी बिभिन्न समस्याले गुज्रिरहेका छौं ऋण, ब्याज, एक्लोपन समय व्यवस्थापन आदी तर त्यसको लागि अक्रोश को माथि ? यदी आक्रोष नै पोख्न मन छ भने,

१) महिनामा २-३ लाख कमाउने झुटो आश्वासन देखाउने Counsellor सँग किन झुटो बोल्यौ भन्दै पोख्नुहोस्
२) नगोयाको टावर देखाएर नागोया आउनै ३वटा ट्रैन फेरेर ३घन्टा लाग्ने ठाउँमा पार्ने consultancy को सर सँग पोख्नुहोस् ।
३) जापानको बारेमा थाहा नै नभैकन consultancy खोली झोलामा document बोकी अरु सँग बेच्ने, १ लाख सर्भिस चार्ज लिने र यहाँ बाट कल गर्दा वस्ता नगर्ने सर सँग पोख्नुहोस् ।
४) Job Assistance all over Japan भन्दै चिल्ला ब्यानर बनाउने तर अहिले बेवास्ता गर्ने ति संचालक सँग पोख्नुहोस् ।
५) तपाईंको जापानको जा थाहा नभएको सेन्सेइ लाई जापान को कलेज को कुरा नेपालीमा उल्था गरिदिने र कलेज बाट कमिसन खाने एजेन्ट सँग पोख्नुहोस् ।

होइन भने
१) तपाईं जस्तै धेरै सपना बोकेर केही वर्ष अघि जापान आएका कलेज,काम र सुत्ने समय काटेर जब खोज्दिन सहयोग गर्ने सेन्पाइलाई नाना थरी नभन्नुहोस्।
२) ४० ठाउँ कल गरेर २०-२५ जनाको मेन्सेचु मिलाइदेको अग्रज दाई /दिदी लाई आफु एक जनालाई काम लगाइदिन नसकेको भनेर गाली नगरनुहोस् ।
३) तपाईंहरु जस्तै केही बर्ष अगाडि जापान आई यस्तै संघर्ष गरी पढाई सकी दिनभरी तपाईंहरु जस्ता सयौलाई काम लगाइ थाकेर साँझ परिवार सँग बसेका हाकेनका स्याइन लाई मध्यरातमा दले र सले भन्दै सम्बोधन नगरौ ।

तर यदी कुनै सेन्पाइ वा अग्रजले तपाईंको कम्जोरीको फाईदा उठाएर बिस्तारा सम्म पुग्न वाध्य बनाउछ भने प्रमाण र मान्छे चीनाउनुहोस् तपाईंको कनुनी लडाईंमा म साथ दिन तयार छु ।

अजय राना, अध्यक्ष नेपाली विद्यार्थी समाज जापान