टोकियो/जापान। एप्पलको स्मार्टफोन पारखीहरुको प्रतिक्षा रहेको आईफोन १४ को जापानमा पनि अग्रिम बुकिंङ सुरु भएको छ।

७ तारिख एप्पलले विशेष ईभेन्ट सहित सार्वजनिक गरेका १४ का ४ वटै मोडलका आईफोन १४ जापानका मोबाईल पसलहरुले हिजो रातीदेखि अग्रिम बुकिंङ् सुरुवात गरेका हुन् । तपाई पनि आईफोन १४ को प्रतिक्षामा हुनुहुन्थ्यो र लिने बिचारमा हुनुहुन्छ भने बुकिंग गरिहाल्नुस् नत्र हात पार्न समय लाग्नेछ ।

यय पटक बढ्दो मूल्य तथा घट्दो येनको भाउका कारण सस्तो मोडेल किन्दा पनि सामान्यतया १ लाख येन भन्दा बढी खर्च हुनेछ ।यद्यपी,जापानका मोबाईल कम्पनीहरुले विभिन्न छुट कार्यक्रमहरूको साथ बुकिंग सुरुवात गरेका छन् । जसले थोरै मात्रै भएपनि आर्थिक राहत दिन सक्नेछ । आईफोन १४ मा सबैभन्दा सानो मेमोरी क्षमता १२८ जिबी रहेको छ ।

KDDI (au) र Softbank को नियमित मूल्य १ लाख ४० हजार भन्दा बढी छ तर,वास्तविक भार दुई वर्ष पछि ट्रेड-इनको लगभग आधामा किन्न सकिनेछ । अर्कोतर्फ राकुतेन मोबाइलले नियमित मूल्य १,३१,८०० येन तोकेको छ, जुन सबैभन्दा कम मूल्य हो। साथै यसले २४ हजार येन बारबरको प्वाईन्ट दिने पुरस्कार योजना पनि ल्याएको छ।

प्रत्येक कम्पनीले अन्य कम्पनीहरूबाट स्थानान्तरण (乗り換え- नेरिखाए)छुट पनि प्रदान गर्दछन। त्यसैले आईफोन झट्ट हेर्दा महंगो भएपनि किन्न जानियो भने, केहि सस्तोमै पनि किन्न सकिनेछ । त्यसैले तपाई नयाँ आईफोन बुकिंग गर्ने योजनामा हुनुहुन्छ भने,सकभर नोरिखाए क्यान्पेनमा,२ वर्षे ट्रेडईन प्लानमा किन्नुहोला जसले गर्दा तपाईको झण्डै आधा आर्थिक भार घट्नेछ।