टोकियो/जापान। गैरआवासीय नेपाली संघ (एनआरएनए)जापानले नेपालबाट कराते खेलमा जापानमा भाग लिई गोल्ड मेडल प्राप्त गर्न सफल दुई खेलाडी राम दास गोपाली र साईला गमाललाई नगद १०/१० हजार येन र प्रमाण प्रदान गरेको छ।

यसका साथै,जापान भ्रमणमा रहेका अन्नपूर्ण केवलकारका संचालक समितिका अध्यक्ष कालु गुरूङ, नेपाल वायु सेवा समितिका अध्यक्ष रामेश्वर थापा, सिम्रिक भेन्चरका सिईयो सन्त न्यौपाने, अन्नपूर्ण केवलकार संचालक सागर गुरूङ, र सल्लाहकार शिबहरी पुडासैनीलाई स्वागत गर्दै संयुक्त रूपमा डिनर कार्यक्रमको आयोजना तथा सम्मान गरेको छ ।

सम्मान कार्यक्रममा एनआरएनए आईसिसि उपाध्यक्ष महेश श्रेष्ठ, उपमहासचिव ओम गुरूङ, सदस्य रोबिन शेरचन र एसिया प्यासिफिकका पुर्व संयोजक किरण बिक्रम थापाले मन्तब्य राखेका थिए। कार्यक्रमको सभापतित्व संस्थाका अध्यक्ष शिव प्रसाद पौडेल र संचालन उपाध्यक्ष संगिता अधिकारी सुवेदीले गरेकी थिईन् ।