टोकियो/जापान। बिजुलीको मूल्य बढ्ने क्रम जारी रहँदा अर्थ, वाणिज्य तथा उद्योग मन्त्रालयले आगामी महिनाको प्रयोगबाट नवीकरणीय ऊर्जाको प्रसारका लागि विद्युत शुल्कमा थपिने “नवीकरणीय ऊर्जा अधिभार” घटाउने घोषणा गरेको छ। यो प्रणाली लागू भएपछि पहिलो कटौती हो, र औसत घरपरिवारको लागि प्रति महिना ८२० येनले बोझ घटाइनेछ।

जापानमा,नवीकरणीय ऊर्जाको प्रसारको लागि उत्पादन गरिएको बिजुली प्रमुख विद्युत कम्पनीले निश्चित समयको लागि निश्चित मूल्यमा खरिद गर्ने गर्दछ, र उक्त लागतलाई “नवीकरणीय ऊर्जा उत्पादन प्रवर्द्धन लेभी” को रूपमा तिरिन्छ,जसलाई तपाई हामीले तिर्ने बिलमा “नवीकरणीय ऊर्जा शुल्क” भनेर मासिकरुपमा अतिरिक्त शुल्क जोडिएको हुन्छ।

अर्थ, व्यापार र उद्योग मन्त्रालयले आज २४ तारिख घोषणा गरे अनुसार यसले मे महिनामा जारी हुने अर्को महिनाको बिलमा १.४ येन प्रति किलोवाट शुल्क घटाईनेछ,यो अहिलेको कायम रहेको शुल्कको तुलनामा २ येन भन्दा बढि कमी हुनेछ।

आर्थिक वर्ष सन २०१२ मा हालको प्रणाली लागू भएपछि यो पहिलो कटौती हो । यस कटौतीले प्रतिमहिना प्रति घरपरिवार औसत ८२० येन शुल्क कमि हुनेछ।

रुसले युक्रेनमा आक्रमण गरेपछि नवीकरणीय ऊर्जाको बिजुली पहिलेको तुलनामा महँगो भएको अर्थ, व्यापार तथा उद्योग मन्त्रालयले जनाएको छ ।मन्त्रिपरिषद्को आज बसेको बैठकपछि पत्रकार सम्मेलन गर्दै अर्थ, व्यापार तथा उद्योगमन्त्री निशिमुराले भने, ‘कानूनमा तोकिएको गणना विधिअनुसार लेभीको एकाइ मूल्य तोक्ने निर्णय गरेको हो,’ यसले उपभोक्ताहरुलाई केहि आर्थिक भार कम गर्नेछ ।