टोकियो/जापान। जापानको टोकियोमा प्रथम एनआरएनए रनिङ कप पुरुष भलिबल प्रतियोगिता हुने भएको छ । ‘राष्ट्रको लागि खेलकुद, स्वास्थ्यको लागि खेलकुद’ भन्ने मूल नाराका साथ नेपालको राष्ट्रिय खेल भलिबललाई विदेशमा पनि प्रवर्द्धन गर्ने मूल उद्देश्य सहित ‘प्रथम एनआरएनए रनिङ कप भलिबल प्रतियोगिता २०२३’ हुने भएको हो ।

एनआरएनए जापानले विदेशमा खेलकुदको माध्यमले भाइचारासमेत बढाउने हुँदा प्रतियोगिता आयोजना गर्न लागेको एनआरएनए जापानले जनाएको छ ।खेल सिन्जुकु स्थित कस्मिक सेन्टरमा आयोजना हुनेछ। प्रतियोगिताको कार्यक्रम संयोजक जिम्मा एनआरएनए जापानका केन्द्रीय समिति सदस्य रामबहादुर थापा (काजी) दिइएको छ ।

प्रतियोगितामा बिजेता टिमले ३ लाख ५३ हजार ५३५ जापानीज येन, मेडल ,प्रमाणपत्र र उप-बिजेता टिमले २ लाख २५ हजार ५२५ जापानीज येन , मेडल , प्रमाणपत्र प्राप्त गर्नुका साथै खेलमा बेस्ट प्लेयर, बेस्ट स्पाइकर, बेस्ट सेटर, बेस्ट क्युकर, बेस्ट डिफेन्डर र बेष्ट कोच गरि ६ वटा बिधामा उत्कृष्ट छनौट गरि पुरस्कार बितरण गरिने जानकारी गराएको छ।

प्रतियोगितामा सहभागी हुनका लागि दर्ता शुल्क ४०,००० जापानी येन निर्धारण गरिएको र प्रतियोगिता बिहान ९ बजेबाट बेलुकी ६ बजे सम्म संचालन हुनेछ।