टोकियो/जापान। जापान भ्रमणमा रहेकी गैरआवासीय नेपाली संघ (एनआरएनए)केन्द्रिय अध्यक्ष रबिना थापालाई एनआरएनए जापान तथा कास्की पोखरा समाज जापानले  एक कार्यक्रम आयोजना गरि स्वागत तथा भेटघाट गरेको छ।

जापानका लागि नेपाली राजदुत दुर्गा बहादुर सुबेदीको प्रमुख आतिथ्यता र एनआरएनए जापानका अध्यक्ष शिव प्रसाद पौडेलको अध्यक्षतामा आयोजित एक कार्यक्रमका बीच एनआरएनए केद्रीय अध्यक्षलाइ स्वागत  तथा भेटघाट गरिएको हो ।

कार्यक्रममा एनआरएन जापानका अध्यक्ष तथा कास्कीपोखरा समाज जापानका पूर्व अध्यक्ष शिव प्रसाद पौडेल, समाजका पूर्व अध्यक्ष बिकाश श्रेष्ठ, जापान व्यबसायी संघका अध्यक्ष बिजेश थकाली, कलाकार इश्वर गुरुङ सहित अन्य जापानका नेपाली समूदायका लब्ध प्रतिष्ठित ब्यक्तिहरुको उपस्थिति रहेको थियो ।

कास्की पोखरा समाज जापानका प्रवक्ता कृष्ण अधिकारीका अनुसार सोहि स्वागत कार्यक्रमको अवसरमा,समाजले एनआरएनएले बनाउदै गरेको पोखरा महेन्द्रपुल नजिक ‘बगैचा र शौचालय’  निर्माणमा आर्थिक सहयोग समेत गरेको छ । सम्पूर्ण कस्केलीहरुको तर्फबाट कास्की पोखरा समाज जापानका अध्यक्ष सन्देश अधिकारीले १ लाख रुपैया हस्तान्तरण समेत गरेका हुन्। गैरआवासीय नेपाली संघले कास्कीमा निर्माण गर्ने कार्यमा कास्की पोखरा समाजले हातेमालो गर्न पाउदा गौरबको अनुभति भएको अध्यक्ष अधिकारीले बताए ।