टोकियो/जापान। गत मार्च महिनादेखि जापानको ओसाकाबाट हराईरहेकी नेपाली युवती आरती खनालको हुनसक्ने भनिएको (समुद्रमा भेटिएको शनाखत हुन नसकेको)शवको डिएनए परिक्षण रिपोर्ट आएको बताईएको छ।

यस घटनालाई सुरुवातदेखिनै प्रहरी र परिवार बिचको समन्वय गरिरहेकी एनआरएनए जापानकी उपाध्यक्ष संगिता अधिकारी सुवेदीले दिएको जानकारी अनुसार,प्रहरीले डिएनए परिक्षणको रिपोर्ट आएको बताएको हो। जापानमै रहेकी आरती खनालकी सानीमाको छोरीको संग डिएनए म्याच गराएर गरिएको परिक्षणमा,प्राप्त जानकारी अनुसार उक्त शव,जापानी तथा अन्य मुलुकको नागरिकको नभएको पुष्टि भएको हो। यद्यपी,डिएनए परिक्षणमा पनि शतप्रतिशत आरतीकै हो भन्ने कुरा भने पुष्टि भएको होईन। त्यो शवको डिएनए र परिक्षणमा लिइएको आरतीको आफन्तको डिएनए केहि हदसम्म मिल्दोजुल्दो देखिएको हो ।

आरती हराए पश्चात अथवा संगै उस्तै प्रकृतिको हराएका मानिसहरुको रिपोर्ट पनि नपर्नु र डिएनए परिक्षणमा पनि धेरै प्रतिशत मेल खानुले प्रहरीले त्यो शव आरतीकै ठहर गर्दै आवश्यक संयोजन गरिदिन भनेको अधिकारीले बताएकी छिन्।

हालै नेपाल पुगेकी उपाध्यक्ष अधिकारीले भोलि नेपालमा रहेका परिवारसंग भेट गरि प्रकृया अघि बढाउनको लागि पहल गर्ने बताएकी छिन् । परिवारले भने यस अघिनै नेपालन्युजपोस्टसंगको कुराकानी मै भने बमोजिम त्यो घटना आत्महत्या हुनै नसक्ने ठहर गर्दै कानुनी प्रकृया अघि बढाउने बताएको छ।

यस अघि आरतीको आमा र मामासंग गरिएको कुराकानी

अधिकारीबाट प्राप्त जानकारीलाई दुतावासको आधिकारिकता लिने प्रयास गर्दा दुतावासले यकिनका साथ आरतीकै हो भनेर किटान भने नगरेको तर डिएनए परिक्षणको नतिजा समेत मिल्दो/जुल्दो देखिएको जानकारी प्राप्त भएको बताएको छ। यसबारे हालसम्मको प्रमाणहरुको आधारमा शव बुझ्ने या नबुझ्ने भन्ने कुरा परिवारको निर्णयमा भरपर्ने देखिएको छ।

यस अघिको यो समाचार पनि पढ्नुहोस्

ओसाकाबाट हराएकी आरती किन भेटिनन् अहिलेसम्म ? यस्तो छ पछिल्लो अपडेट

ओसाकामा भेटिएको युवतीको शव हराइरहेकी आरतीको नै हुनसक्ने तथ्यहरु भेटिए,डिएनएको नतिजा आउन १ महिना बढि समय लाग्ने

जापानमा हराई रहेकी आरती खनालको खोजी तिब्र , यस्तो छ पछिल्लो अपडेट