चीनमा, उड्ने कार निर्माताहरूले उदीयमान उद्योगलाई समर्थन गर्ने सरकारको एजेन्डा अनुरूप आफ्नो व्यवसायलाई मूलधारमा लैजाने तयारी गरिरहेका छन्।

चिनियाँ फ्लाइङ कार विकासकर्ता एरोफुगियाका सीईओ गुओ लियाङले यस महिनाको सुरुमा मकाउमा भएको टेक एक्स्पोमा भने “चीनमा उडान कारको पूर्ण व्यावसायीकरण सन् २०२५ वा २०२६ मा सुरु हुनेछ,”।

फ्लाइङ कारहरू, जसलाई इलेक्ट्रिक भर्टिकल टेकअफ र ल्यान्डिङ (eVTOL) विमान पनि भनिन्छ । यिनिहरुले हेलिकप्टर, ड्रोन र साना हवाईजहाजहरूको विशेषताहरू बोकेका हुन्छन्। उद्योग समूह भर्टिकल फ्लाइट सोसाइटीले विश्वभर ८ सय भन्दा बढी eVTOL डिजाइन अवधारणाहरू सूचीबद्ध गरेको छ।

मोर्गन स्टेनलीको एक अवधारणा अनुसार, उड्ने कारहरूको लागि विश्वव्यापी बजार सन २०४० मा  १ ट्रिलियन डलरमा पुग्ने अपेक्षा गरिएको छ । त्यसपछि सन २०५० मा ९ ट्रिलियनमा डलर पुग्ने अपेक्षा गरिएको छ। चीन सन् २०५० मा कुल बजारको २३ प्रतिशत हिस्सा ओगट्ने बाटोमा छ । जबकि अमेरिकाको २७ प्रतिशतमा सिमित रहनेछ।