सेन्दाई/जापान। गैरआवासीय नेपाली संघ जापान क्षेत्रीय समिती सेन्दाईको नव निर्वाचित कार्यसमितीको सपथ तथा पदभार ग्रहण गरेका छन् ।

सपथ ग्रहण कार्यक्रम,एनआरएनए क्षेत्रीय समितीका संयोजक हरी गोपाल श्रेष्ठको अध्यक्षतामा, एनआरएनए जापानका प्रवक्ता सुभास लामीछाने को प्रमुख आतिथ्यतामा सम्पन्न भएको हो ।

कार्यक्रममा विभिन्न संघ संस्थाहरुको प्रतिनिधीहरु,निर्वाचन समितीका सदस्यहरु,संघका पुर्व कार्यसमितीका सदस्यहरु उपस्थित रहेका थिए। कार्यक्रममा प्रतिबद्दता मन्तब्य राख्दै नव निर्बाचित कार्यसमितीको संयोजक सन्दिप जिसीले संस्थाको गौरबलाई कायम राख्दै सदैव नेपाली समुदायको हितमा कटिबद्ध भएर लाग्ने बताएका थिए।

संघका नव निर्वाचित सचिव प्रकाश बिश्वकर्माको संचालन कोषाध्यक्ष कृष्ण बिक्रम घिसिंघको स्वागत मन्तब्य मा सम्पन्न कार्यक्रममा निर्वाचन आयोगका आयुक्त अरुण दुवाडी,प्रदिप खत्री लगाएतका अतिथीहरुले आफ्नो मन्तब्य राखेका थिए।

गैरआवासीय नेपाली संघ,राष्ट्रिय समन्वय परिषद जापान, तोहोकु क्षेत्रीय समिति सेन्दाइ को जुन २४ तारिख सम्पन्न अधिवेशनमा सर्बसहमत हुन नसकेको पदहरुमा यहि जुलाई २ तारिख निर्वाचन सम्पन्न भएको थियो ।

नयाँ कार्यसमितिमा,संयोजक -सन्दिप जिसी,उप संयोजक : आशिष गुरुङ्,भरत बहादुर बम,अनिल गिरी उप संयोजक (महिला) -कुस्मिता थापा,सचिब : प्रकाश बिश्वकर्मा,सह सचिब : छिरिग ग्याबा तामाङ र शिब कुमार भण्डारी,कोषाध्यक्ष : शिर बहादुर काउचा,सह कोषाध्य्क्ष : दिपक तामाङ्,युवा संयोजक : मकेन्द्र सोडारि निर्वाचित भएका छन् । त्यस्तै गरि,सदस्यहरु-कुमार पौडेल,राजन ढकाल,तेज प्रसाद दहाल,राजेश खनाल,सुमन लामिछाने,महिला सदस्य : ममता लामिछाने रहेका छन् । यसका अलवा बाकि ८ जना सदस्यहरु अबको कार्यसमितिको मिटिङ्ग बाट मनोनित गरिने बताइएको छ।