टोकियो/जापान। एनआरएनए जापानले जापानमा रहेका संघ संस्था र सरोकारवाला निकायसँग, सेप्टम्बर १० तारिक वृहत अन्तरक्रिया कार्यक्रम गर्ने भएको छ ।

टोकियोको शिनओकुबो स्थित सोलमारी मुरा हलमा नेपाली दूतावास, एनआरएनए जापान र जापानमा रहेका क्रियाशिल संघ-संस्थाहरुसंग सहयोग तथा सेवा प्रदानमा एकरूपता ल्याउने उद्देश्यले साझा योजना तय गर्न,संघसंस्थाहरुसंग वृहत अन्तरक्रिया गर्न लागिएको कार्यक्रम संयोजक, एनआरएनए जापानका उपाध्यक्ष सिद्धार्थ श्रेष्ठले बताए ।

“जापानमा क्रियाशील संघ-संस्थाका व्यक्तिहरुसंग बसेर,हाम्रो समुदायका सामूहिक आवश्यकताहरुमा सामूहिकरुपमा गर्न सकिने आपसी सहकार्य र समन्वयका लागि यो अन्तर्क्रिया आयोजना गरेका हौँ”एनआरएनए जापानका अध्यक्ष नबिन निउरेले नेपालन्युजपोस्टसंग भने।

एनआरएनए जापान र जापानमा क्रियाशिल संघ संस्थाबाट नेपाली समुदायले अपेक्षा गरेको सेवा र सहयोगलाई कसरी पहुँच योग्य, छारितो र विश्वसनीय बनाउन सकिन्छ भन्ने बारेमा छलफल केन्द्रित रहने भएकोले जापानस्थित सम्पूर्ण सरोकारवाला निकाय तथा संघ संस्थाहरुमा सम्बद्ध व्यक्तित्वहरूलाई उपस्थित भइदिन आयोजक संस्थाले आग्रह गरेको छ।