टोकियो/जापान। एप्पलले जापानको समय अनुसार सेप्टेम्बर १३ तारिख बिहान २:०० बजे आयोजित प्रतिक्षित एप्पल ईभेन्ट मार्फत आईफोन १५ सेरिजका ४ वटा स्मार्टफोनहरु सार्वजनिक गरेको छ । ति फोनहरु यहि सेप्टेम्बर १५ देखि प्रिअर्डरहरू सुरु भइ,सेप्टेम्बर २२ तारिखबाट बिक्री सुरु हुनेछ।

१२८ जिबी भण्डारण क्षमता भएको आईफोन १५ मोडेलको न्युनतम मूल्य १२४,८०० येन( $799 )पर्नेछ। र सबैभन्दा महँगो १ ट्रेटाबाईट भण्डारण क्षमता भएको आईफोन प्रोम्याक्सको मूल्य २,४९,८०० 249,800 येन ($ 1,599) पर्नेछ। कमजोर येनको कारणले गर्दा, अघिल्लो मोडेल १४ सेरिजको तुलनामा मूल्य करिब १० हजार येन सम्म बढेको छ।

आईफोन १५ तथा १५ प्वसको जापानी मूल्य १४ शृङ्खला घोषणा भएदेखि प्रत्येक वर्ष ५,००० येनले बढेको छ।यस पटक आइफोन १५ सेरिजमा- १२८ जिबी मोडेलको मूल्य १,२४,८०० येन, २५६ जिबी मोडेलको मूल्य १,३९,८०० येन र ५१२ जिबी मोडेलको मूल्य १,६९,८०० येन कायम भएको छ। १५ प्लसको १२८ जिबी मोडेलको लागि १,३९,८०० येन, २५६ जिबी मोडेलको लागि १,५४,८०० येन र ५१२ जिबी मोडेलको लागि १,८४,८०० येन मूल्य निर्धारण गरिएको छ।यि माथिका दुबै मूल्य, विनिमय दर डलरको लागि १३९ येन वरपर हुनेआँकलनका साथ तय गरिएका हुन् ।

यसैगरि,आईफोन १५ प्रो र प्रोम्याक्सको जापानी मूल्य,अघिल्लो वर्ष सार्वजनिक भएको १४ सेरिजको भन्दा १० हजार येनले बढेको छ। १५ प्रो को १२८ जिबी मोडेलको लागि १,५९,८०० येन, २५६ जिबी मोडेलको लागि १,७४,८०० येन, ५१२ जिबी मोडेलको लागि २,०४,८०० येन, र १ ट्रेटा बाईट मोडेलको लागि २,३४,८००येन मूल्य निर्धारण गरिएको छ। यस्तै गरि,१५ प्रो म्याक्सको २५६ जिबी मोडेलको लागि १,८९,८०० येन,५१२ जिबी मोडलको लागि २,१९,८०० येन र १ ट्रेटाबाईट मोडेलको लागि २,४९,८०० येन मूल्य कायम भएको छ।