एकातिर जापान सरकारले जापानमा जन्मदर प्रत्येक बर्ष घटदैछ भनेर जन्मदर बढाउन अभिभावकलाइ अनेक योजनाहरु ल्याइरहेछ भने सङ सङ्गै घटदो जन्मदरका कारण कामदारको अभाव भएर बिदेशि नागरिक पनि भित्र्याइरहेको छ । अर्का तिर जापानमा बच्चा जन्माउन उक्साएकाले जापानीजहरुले नै बच्चा जन्माउने कार्यलाइ कति महत्व दिदैछन त्यो त थाहा भएन तर बिश्वका बिभिन्न मुलुकबाट भित्रीएर परिवार सहित बस्ने बिदेशिहरुको बच्चा भने जन्मिने प्रकृया निक्कै बढदो छ । अब हाम्रै देश नेपाल र नेपाली कै कुरा गरौ न । पछिल्लो समयमा नेपालीहरुको बच्चाहरु पनि निक्कै थपिएका छन जापानमा । नेपालको वातावरण र परिस्थितिका कारण परिवार सहित आएका मान्छेले यत्तिको सुबिधा सम्पन्न देशमा आफ्ना बच्चा जन्माउनु पनि खुसिकै कुरा हुन जान्छ ।

नेपालबाट जापान आउनेहरुमा मुख्यतः बिध्यार्थी भिषा, कुक भिषा नै हुन । न्युन मात्रामा बिजनेस भिषा र कामदार भिषामा नि आएका होलान र जापानमा आएर लामो समय बस्नेहरु पनि यिनै बिध्यार्थी भिषामा आएकाले कामदार भिषा बनाएर वा अन्य कुनै भिषामा आएकाले बिजनेस भिषा बनाएर बस्ने हुन ।

अब कुरा आउछ फेरि के जापानमा बच्चा सहित बस्नेलाइ सहज छ त ? के उनिहरु आर्थीक रुपले सम्बृद्ध हुन सकेका छन त ?

जापानको नियम अनुसार बिजनेस भिषामा सायद सहज होला बच्चा र परिवार पालिएर आर्थिक उन्नति गर्न तर जापान कै नियम अनुसार कामदार भिषामा भएकाले आफ्नो आश्रीतमा रहेको श्रीमान वा श्रीमतिको हप्ताको २८ घण्टाको कमाइले एक वा दुइ सन्तान जापानमा राखेर महिनाको खर्च मेनेज गर्दै के आर्थिक सम्बृद्धिको बाटो हिडन सक्लान ?

अब फेरि कुरा आउछ बच्चा जन्माउन उक्साएको कुरा । हुन जापान सरकारले न उक्साउदा पनि मान्छेलाइ बच्चा चाहिन्छ । तर जन्मदर घट्यो भनेर भन्दै गर्दा जन्मदर बढाउन सहयोग गर्ने बिदेशि नागरिकलाइ गरिखान सक्ने सहज नियम पनि बनाइदिदा हुने होला नि ।

जापानको महङ्गि अनि तेसमा पनि टोक्यो र टोक्यो आसपासमा बस्नेहरुले कामदार वा कुक भिषा बाट भएको २२/२३ मान र डिपेण्डेण्ट भिषामा हुनेले हप्ताको २८ घण्टा काम गरेर कमाएको + – १० मानले जिवन सहज बन्न सक्ला ?

पछिल्लो समयमा नेपालबाट जापान आएर बसेका परिवारहरु पनि भाषागत कारण काम गर्दा भिषाको डर नगर्दा खान बस्न नै नपुग्ने अवस्था जस्ता धेरै कारणले फेरि बिदेशिले जापान छोडेर अन्य देश गएर सेटल हुन खोजेको दृश्य पनि बिकराल बन्दै छ ।

नेपालबाट जापान आएर परिवार सहित बसेका परिवारलाइ जापान सरकार र नेपाली कुटनितिक निकायहरुले यस तर्फ ध्यान दिएर फराकिलो नियम बनाउन जरुरी छ ।
(समसामयिक भएकाले यो सामग्री हामीले प्रहारजीको सामाजिक संजालबाट लिएका हौँ)

नेपालन्युजपोस्ट युट्युबमा पनि छ। हाम्रो च्यानल सब्स्क्राइब गर्न तथा प्रकाशित भिडिओहरू हेर्न यहाँ क्लिक गर्नुहोस्। फेसबुक र टिकटक मा पनि हाम्रा सामग्री हेर्न सक्नुहुन्छ।