टोकियो/ जापान। साहित्यिक चौतारी नेपाल जापान शाखाको तेस्रो अधिवेशन तथा रचना वाचनका साथै सर्जक खेमराज ओझाको कृति “छोक्रा” को विमोचन कार्यक्रम सम्पन्न भएको छ ।

आइतबार टोकियोको सिनओकुबो स्थित रोयल गार्डेन रेष्टुरेण्टको हलमा सम्पन्न अधिवेशनले सरीता ढकालको नेतृत्वमा नयाँ कार्यसमितीको चयन गरेको हो ।

कार्यसमितीको अध्यक्षमा सरीता ढकाल, उपाअध्यक्ष राजविन थापा, सह- उपाअध्यक्ष (महिला) सुजाता शर्मा, सचिवमा शारदा पाण्डे, सह-सचिवत्रयमा दिपेन्द्र पोखरेल, श्याम कृष्ण लामा, खेमराज ओझा, कोषअध्यक्षमा मन कुमारी अंगाई, सह-कोषअध्यक्ष दिया शाह रहेका छन् । त्यस्तै गरी कार्यसमितीका सदस्यहरूमा सोविता अधिकारी, पवित्रा गिरी, सरोज धमला, गीता बस्याल, कमला पुडासैनी, गोपिनी आचार्य, तारा खनाल र पम्फा पाण्डे अंगाई रहेको बताईएको छ।

अधिवेशनले संस्थापक अध्यक्ष तथा पूर्व अध्यक्ष विन्दा पराजुली बराल र निवर्तमान अध्यक्ष अमरदेव बास्तोला संरक्षक रहने र त्यस्तै गरी डा• बलराम श्रेष्ठ, सिद्धार्थ श्रेष्ठ, अनिता गुरूङ, गृष्मा पौड्याल, धन बहादुर वि•क, प्रकाश के.सी, सुस्मा पोखरेल खरेल र राजेन्द्र जमरकट्टेललाई सल्लाहकार समितीमा चयन गरेको छ।

साहित्यिक चौतारी नेपाल जापान शाखाको आईताबर सम्पन्न तेस्रो अधिवेशन तथा रचना वाचन कार्यक्रमका केहि झलकहरु ! अधिवेशनले सरिता ढकालको नेतृत्वमा नयाँ कार्यसमितीको चयन गरेको छ । कार्यक्रममा रचना वाचन तथा सर्जक खेम ओझाको कृति – “छोक्रा”को विमोचन पनि सम्पन्न भएको थियो ।

कार्यक्रममा जापान नेपाल चेम्बर अफ कमर्शका अध्यक्ष तथा कानून व्यवसायी डा• बलराम श्रेष्ठ, एनआरएनए जापानका उपाध्यक्ष सिदार्थ शेष्ठ र अन्तर्राष्ट्रीय नेपाली समाजका अध्यक्ष, प्रकाश केसी बिशेष अतिथीको रूपमा उपस्थित थिए । त्यस्तै गरी ग्लोबल फोरामका संयोजक तथा एनआरएनए जापानका सल्लाहकार धन बहादुर विक, विश्व नेपाली साहित्य महासंघ(विनेसाम)का अध्यक्ष देवी बहादुर इङनाम, नेपाल आदिवासी जनजाति महासंघ नेफिन जापानका महासचिव प्रमिला राई, अनेसासका बोर्ड अफ ट्रस्टी तथा साहित्यकार गृष्मा पौड्याल, गोरखा समाज जापानका अध्यक्ष चुडामणी भट्टाराई, नेपाली जनसम्पर्क समितीका राजेन्द्र जमरकट्टेल लगायतका अतिथीहरू रहेका थिए ।