टोकियो/जापान। १६ तारिख ताईफुको त्रासपछि, मस्त खुलेको आकाससंगै पूर्वी र पश्चिमी जापानमा आज १७ तारि़ निकै घमाईलो र उच्च गर्मीको दिन रह्यो ।

मौसम विज्ञान एजेन्सीको रेकर्ड अनुसार आज,१७ तारिख पुर्वी तथा पश्चिमी जापानका विभिन्न स्थानहरुमा ३९ डिग्रीसम्मको गर्मी भयो ।

यो गर्मी अझै केहिदिन कायमै रहने अनुमान गरिएको छ। १७ तारिख साँझ मौसम विज्ञान एजेन्सीले जनाए अनुसार भोलि १८ तारिख जापानको नागोया तथा गिफु सहरमा उच्च गर्मी हुनेछ ।तपाई यदि ति स्थानमा बसोबास गर्नुहुन्छ भने गर्मीबाट हुनसक्ने सम्भावित बिरामीबाट जोगिन प्रशस्त पानी पिउने,वातानुकूलित घर तथा कोठमा बस्ने एवं अत्यावश्यक काम बाहेक चर्को घामा बाहिर ननिस्किने जस्ता उपायहरु अबलम्बन गर्नुहोला ।

१८ तारिख नागोया, गिफु र काजेया,तोचुकावा लगायतका स्थानहरुमा तापक्रम ३८ देखि ४० डिग्रीको आसपासमा हुने पुर्वानुमान गरिएको छ भने
यामागुची, ह्योगो, ओसाका, हिरोशिमा, ताकामाचु, कुमामोतो , कोब, फुकुओका लगायतका स्थानहरुमा पनि अत्याधिक गर्मी हुनेछ।

जापान मौसम विज्ञान एजेन्सी र वातावरण मन्त्रालयले १८ तारिखका लागि कान्तो -कोशिनदेखि क्युसुसम्मका २८ प्रिफेक्चरहरुका लागि ‘हिटस्ट्रोक चेतावनी’ जारी गरेको छ। जापानभर उच्च गर्मी बढेसंगै दैनिक हज्जारौँ मानिसहरु बिरामी अस्पत्ताल भर्ना भएका छन् भने सयौँ मानिसहरुको ज्यान गइसकेको छ।