टोकियो/जापान। २७ तारिखदेखि शक्तिशाली ताईफु न १० पश्चिमी जापान र कागोशिमा प्रिफेक्चरको अमामी क्षेत्रसम्म पुग्ने बताईएको छ। जसले पश्चिमी र पूर्वी जापानको प्रशान्त क्षेत्रमा भीषण हावा र भारी वर्षाको जोखिम ल्याउँनेछ।

यस पटक पनि जापानको मौसम विज्ञान एजेन्सीले तीव्र हावा, उच्च छाल र बाढी/पहिरोबाट हुनसक्ने सम्भावित क्षति न्युन गर्न आवश्यक कडा सतर्कता अपनाउन आग्रह गरेको छ। मौसम विज्ञान एजेन्सीले भनेको छ- कृपया २६ तारिख साँझसम्म ताईफुको पुर्वतयारी पूरा गर्नुहोस्।

यो ताईफु १०, यहि २७ तारिखदेखि पश्चिमी जापान र कागोशिमा प्रिफेक्चरको अमामी क्षेत्रसम्म पुग्ने गरी उत्तरतर्फ बढ्ने अपेक्षा गरिएको छ। ताईफु नजिकिँदै गर्दा, पश्चिमी जापानमा २७ तारिख अधिकतम ३० मिटर हावाको गतिको बढ्दै जानेछ। त्यहाँ तीव्र हावा चल्ने जोखिम छ जसले चलिरहेको ट्रकहरू समेत पल्टाउन सक्नेछ। त्यसैले साबधानी अप्नाउनुहोला।

ताईफु १० नजिकिँदै गर्दा,२७ र २८ तारिख फेरि जापानको आन्तरिक उडान तथा बुलेट ट्रेन सेवाहरु बन्द आँकलन गरिएको छ। जेआर तोकाईदोले आफ्ना केहि सेवाहरु बन्द तथा ढिला हुने अग्रिम जानकारी गराईएको सकेको छ भने जेआर इस्टले पनि जोएचु,यामागाता लगायतका बुलेट ट्रेन सेवाहरु प्रभावित हुने बताईएको छ।