टोकियो/जापान। एभरेस्ट इनरनेश्नल स्कुल जापानले यहि सेप्टेम्बर ६ तारिखका दिन “Mr. EISJ, Ms EISJ 2024”कार्यक्रम सम्पन्न गरेको छ।

एभरेष्ट इन्टनेशनल स्कुल, जापानका विद्यालय व्यवस्थापन समितिका उपाध्यक्ष मेघराज नेपालको प्रमुख आथित्यतामा सम्पन्न कार्यक्रम विद्यालयको आफ्नै सभा हलमा आयोजना भएको थियो भने,
कक्षा ८ देखि १२ सम्म अध्ययनरत २८ जना छात्रछात्राहरू सहभागी भएका थिए।

नेपालका विभिन्न जातजाती धर्म संस्कृति आदि झल्कने पोशाकमा सजिएर विद्यार्थीहरु सहभागी भएका थिए भने, कार्यक्रमको निर्णायक मण्डलमा विद्यालयका शिक्षक/शिक्षिकाहरू नमिता तिमल्सिना, शशि बुर्लाकोटी, गायत्री धिताल श्रेष्ठ र डा. राजन केसी रहेका थिए ।

३ चरणमा विभाजन गरि संचालन तथा सम्पन्न कार्यक्रमको पहिलो र दोस्रो चरण पार गरेका १० जना विद्यार्थीहरू अन्तिम चरणमा प्रवेश गरि प्रतिष्पर्धा गरेका थिए। अन्तिम चरणबाट सेकेण्ड रनरअप छात्रतर्फ कक्षा ११ मा अध्ययनरत सागर कुँवर र छात्रातर्फ कक्षा १० मा अध्ययनरत स्नेहा न्यौपाने,त्यसै गरी फर्स्ट रनरअपमा छात्रतर्फ कक्षा ८ मा अध्ययनरत लियुल योञ्जन र छात्रातर्फ कक्षा ११ मा अध्ययनरत रक्षा कंडेल रहन सफल भएका थिए।

कार्यक्रममा छात्रतर्फ “ Mr EISJ 2024”मा कक्षा ११ मा अध्ययनरत जम्बियन नागरिक चिसा टाइरिस कावेजा र छात्रातर्फ “Ms EISJ 2024”मा कक्षा १० मा अध्ययनरत विद्यार्थी समृद्धि पोखरेलले ताज पहिरिएका थिए।

अन्त्यमा सम्पूर्ण विजयीहरूलाई हार्दिक बधाई व्यक्त गर्दै विद्यालयका प्रधानाध्यापक विष्णुप्रसाद भट्टले ताज, प्रमाणपत्र तथा उपहार प्रदान गरेका थिए।