टोकियो/जापान। केहिदिन अघि नयाँ प्रधानमन्त्री चयनको पूर्वार्धमा सकारात्मक बनेको जापानी येनको भाउ ३ तारिख बिहिबार फेरि घट्यो। ३ तारिख जापानी येनको विनिमयदर प्रतिडलर १४७ येनको स्तरसम्म घट्न पुग्यो ।

किन घट्यो त येनको भाऊ ?
बैङ्क अफ जापानका गभर्नर उएदासंगको भेटपछि प्रधानमन्त्री इसिबाले आफुलाई व्यक्तिगत रूपमा अहिले ब्याजदर बढाउने अनुकुल वातावरण छ जस्तो नलागेको अभिव्यक्ति दिए पश्चात, बैंक अफ जापानले चाँडै नै ब्याजदर बढाउने अपेक्षामा गिरावट आयो। परिणामस्वरूप अल्पकालिन् लगानीकर्ताहरु तुलनात्मक लाभ हुने,डलरतर्फ आकर्षित हुन पुगे । जसले गर्दा जापानी येनमा एकैदिन ठूलो गिरावट देखियो ।

समग्रमा यो वर्षको अक्टोबरसम्ममा जापानी येनमा खासै उत्साहजनक वृद्धि भएको छैन। केहिदिन अमेरी व्याजदरमा केहि गिरावट देखिँदा र जापानमा पनि नयाँ मन्त्रीमण्डल आएसंगै केन्द्रिय बैंकको नीतिमा केहि परिवर्तन हुनसक्ने आँकलनले गर्दा लगानीकर्ताहरु केहि आकर्षित हुँदा १४१ येनको स्तरसम्म पुगेको थियो। यद्यपी,जापानका नयाँ प्रधानमन्त्री पनि यस अघिकै मन्त्रीहरुकै समकालिन तथा एउटै पार्टी मात्रै नभई उस्तै उमेर समूहका व्यक्ति हुन जसले देशमा वर्षौँदेखि कायम मुद्रानीतिलाई रातारात परिवर्तन गर्ने खासैँ सम्भावना छैन। जसले गर्दा जापानी येनमा तत्काल कुनै चमात्कारिक सुधार देखिने अपेक्षा गरिएको छैन।