टोकियो/जापान । फुकुओका प्रिफेक्चर तथा ओकिनावा प्रिफेक्चरमा ३ तारिख राति दुई जनालाई मदिरा सेवन गरी साइकल चलाएको शंकामा पक्राउ गरिएको छ। यहि जुन महिनाको १ तारिखदेखि लागू भएको नयाँ नियमले साईकल चलाउनेहरुले समेत मदिरा सेवन गरेको फेला परे कारबाही गर्न सकिने भएको छ। नयाँ जरिवानाबारे सबैलाई सचेत गराउँदै ट्राफिक नियम पालना गर्न र साइकल चलाउन आग्रह गरिरहेको छ ।

प्रहरीका अनुसार ३ तारिख करिब १० बजे फुकुओका शहरको चुओ वार्डमा सडक छेउमा रोकिएको हल्का यात्रुवाहक कारसँग साइकल ठोक्किएको थियो । घटनास्थलमा पुगेका एक प्रहरी अधिकृतले साइकल चलाउने ठेगाना नखुलेका २८ वर्षीय बेरोजगार व्यक्तिबाट रक्सीको दुर्गन्ध आएको देखे र परिक्षण गर्दा उनको श्वासमा मदिराको मात्रा कानुनी सीमाभन्दा झण्डै दोब्बर रहेको पत्ता लागेपछि पक्राउ गरिएको थियो।

यसका साथै, ओकिनावा प्रिफेक्चरको इशिगाकी शहरमा ३ तारिख करिब १० बजे, प्रहरीले,साईकलको बत्ति बिना साइकल चलाउँदै गरेका अर्का एक ४५ वर्षिया व्यक्तिलाई पनि पक्राउ गरेको थियो। ति व्यक्तिले पनि मापदण्डभन्दा धेरै मादक पदार्थ सेवन गरेको प्रहरीले जनाएको छ ।

यहि नोभेम्बर १ देखि लागू भएको संशोधित सडक सवारी ऐन अन्तर्गत मादक पदार्थ सेवन गरी साइकल चलाउनेलाई अब ३ वर्षसम्म कैद वा ५ लाख येनसम्म जरिवाना हुनसक्नेछ। प्रहरीले नयाँ जरिवानाबारे सबैलाई सचेत गराउँदै ट्राफिक नियम पालना गर्न र साइकल चलाउन आग्रह गरिरहेको छ ।