नागोया/जापान। स्याङ्जा समाज जापान नागोयाको पाचौँ अधिवेशन यहि फेब्रुअरी २४ तारिख हुने भएको छ।

समाजका अध्यक्ष मित्र सिग्देलका अनुसार,विभिन्न   पेशा व्यवसाय र अध्ययनका शिलशिलामा जापानमा रहेका जापानवासी स्याङ्जालीहरुको छाता संगठन स्याङ्जा समाज जापान क्षेत्रीय समिती नागोयाको पाचौं अधिवेशन फ्रेब्रुअरी २४ तारिक सोमबार कोकुसाई सेन्टर हलमा दिउँसो  १ बजे बाट हुनेछ ।

सबै क्षेत्रमा गरि करिव २५० जना आजीवन सदस्य र ५० जना साधारण सदस्य रहेको स्याङ्जा समाज जापान केन्द्रको अधीवेशन भने  मार्च २३ तारिक टोकियोमा हुने भएको छ।

सिजुओका, फुकुओका र किता कान्तोमा चाँडै नै मिति तय हुने केन्द्रको जानकारी छ । हाल निरन्तर चलिरहेको आजीवन सदस्य बन्ने प्रक्रियालाई निरन्तरता दिंदै फेब्रुअरी २२ तारिख सम्म ५,००० येन नयाँ आजीवन सदस्यता लिन पाउने र साधारण सदस्यता नवीकरण गर्न सबै जापानमा रहेका जिल्लावासीहरुलाई जानकारी सहित अनुरोध गरेको छ।

जापानमा रहनु भएका सम्पुर्ण स्याङ्जाली बुवा आमा दाजुभाई दिदीबहिनीहरु लाई अधीवेशनको दिन उपस्थीत भई सब्य र भब्य तबरबाट कार्यक्रम सम्पन्न गराउँन सहयोग गर्नुहुन क्षेत्रीय समीती नागोयाका अध्यक्ष मित्र सिग्देलले जानकारी दिएका छन् ।

अधिवेशनका लागि स्याङ्जा समाज जापानका बरिष्ठ उपाध्यक्ष वेद कार्कीको संयोजकत्वमा ३ सदस्यीय निर्वाचन समिती तय गरिएको छ।सदस्यमा एनआरएनए जापानका निवर्तमान सचिव श्याम शितल श्रेष्ठ र स्याङ्जा समाज नागोयाका सल्लाहाकार कृष्ण रेग्मी लाई तोकिएको छ ।

मिती :~२०२४/२/२४गते
स्थान:~ 3F 名古屋国際センタービル
47-1, Nagono 1-Chōme
Nakamura, Nagoya, Aichi
Japan 450-0001
समय:~ठिक १ बजे