टोकियो/जापान। जुलाई २९ तारिखको साँझ, फुकुओका प्रिफेक्चरको चिकुगो शहरस्थित जेआर चिकुगो-फुनागोया स्टेशनको प्लेटफर्ममा अचानक एक हाई स्कूलकी बालिकाको स्तन छोएको र उनको तिघ्रा चाटेको जस्ता अश्लील कार्यमा संलग्न भएको आरोपमा एक ३७ वर्षीय नेपाली पुरुषलाई घटनास्थलमै पक्राउ गरिएको जापानी संचार माध्यमहरुमा खबर प्रकाशन भएका छन् ।

समाचारमा जनाईए अनुसार, घटना२९ तारिख साँझ ७:५० बजेतिर, जेआर चिकुगो-फुनागोया स्टेशनको प्लेटफर्ममा घटेको हो । उक्त समय एक १७ वर्षीया हाई स्कूलकी बालिका बेन्चमा बसिरहेकी थिइन्, त्यही बेला एक जना पुरुष उनको नजिक आएर उनको छेउमा बसे।कुराकानी गर्न अस्वीकार गर्दै रेलको पर्खाइमा रहेकी किशोरीको अचानक स्तन स्पर्श गर्ने तथा खुट्टा समातेर उनको तिघ्रा चाट्ने जस्ता हर्कत गरेको बताइएको छ।

त्यसपछि केटी घटनास्थलबाट उठेर हिँडिन् , तर त्यो पुरुषले उनलाई पछ्याउन जारी राख्यो, त्यसैले उनले आफ्नी आमालाई सम्पर्क गरिन्, जसले त्यसपछि प्रहरीलाई फोन गरिन्। र घटनास्थलबाटै पक्राउ गरिएको बताइएको छ।

त्यसपछि रेलमा चढेका ती पुरुषले उनको नजिकै गएर, उनको छेउमा बसेको केटीले दूरी कायम राख्न अर्को कारमा गएको तथा जेआर कुरुमे स्टेशनमा ओर्लिएपछि उनीभन्दा अगाडि पुगेका प्रहरी अधिकारीहरूले ती पुरुषलाई घटनास्थलमै पक्राउ गरेको विवरण उल्लेख गरिएको छ।

सहमति बिनाको अश्लीलताको आशंकामा पक्राउ परेका संदिग्ध व्यक्ति भूषाल थरका ३७ वर्षिय एक नेपाली नागरिक हुन् र फुकुओका प्रिफेक्चरको चिकुशिनो शहरमा बस्ने शेफ हुन्। सोधपुछको क्रममा, उनले आरोप अस्वीकार गर्दै भने, “म जापानी भाषा बुझ्दिन।” भनेको समाचारले जनाएका छन् ।