टोकियो,जापान। स्वास्थ्य, श्रम तथा कल्याण मन्त्रालयको एक सर्वेक्षणले यस वर्ष निजी कम्पनीहरूमा प्रति कर्मचारी औसत मासिक ज्याला लगभग १३ हजार ६०० ले बढेर ऐतिहासिक उच्च बिन्दुमा पुगेको छ।

स्वास्थ्य, श्रम तथा कल्याण मन्त्रालयले यस वर्ष जुलाईदेखि अगस्टसम्म १०० वा सोभन्दा बढी कर्मचारी भएका निजी कम्पनीहरूको ज्याला वृद्धिको बारेमा जान्नको लागि राष्ट्रव्यापी सर्वेक्षण गरेको थियो, जसमा १,८४७ कम्पनीहरूबाट प्रतिक्रिया प्राप्त भएको थियो।

सर्वेक्षण अनुसार, यस वर्ष ज्याला संशोधन लागू गरेका वा लागू गर्ने योजना बनाइरहेका कम्पनीहरूमध्ये, प्रति कर्मचारी औसत मासिक ज्याला १३ हजार ६ सय १ ले बढेको छ।

यो अघिल्लो वर्षको संशोधन भन्दा १,६४० ले बढी हो र सम १९९९ मा हालको सर्वेक्षण विधि लागू भएदेखिको उच्चतम हो।

कर्मचारी प्रकार अनुसार हेर्दा ५,००० वा सोभन्दा बढी कर्मचारी भएका कम्पनीहरूको लागि १६ हजार ७ सय ८४ येन वृद्धि भएको छ। जबकि १०० देखि २९९ कर्मचारी भएका कम्पनीहरूको लागि यो वृद्धि १० हजार २ सय ६४ येन रहेको छ।

यसबाहेक, श्रमिक संघ भएका कम्पनीहरुमा १५ हजार २ सय २९ येन वृद्धि देखिएकोछ, , जबकि श्रमिक संघ नभएका कम्पनीहरूको लागि यो ११ हजार ९ सय ८० येन रहेको छ।

स्वास्थ्य, श्रम तथा कल्याण मन्त्रालयले भनेको छ- “वसन्त श्रम वार्ताको प्रभावका कारण ज्याला वृद्धि उच्च भए पनि, यो विश्वास गरिन्छ कि ठूला, आर्थिक रूपमा बलियो कम्पनीहरूले श्रम सुरक्षित गर्न साना र मध्यम आकारका कम्पनीहरू भन्दा बढी ज्याला बढाइरहेका छन्। हामी प्रवृत्तिहरूलाई नजिकबाट निगरानी गर्न जारी राख्नेछौं।”