टोकियो,जापान। एनआरएनए कान्साईको आयोजनामा आगामी नयाँ वर्ष सन २०२६ को शुभ अवसरमा भव्य सांगितिक कार्यक्रम आयोजना गरिने भएको छ। कार्यक्रममा नेपालका ख्यातिप्राप्त कलाकारहरूलाई सहभागी गराइने तयारी भइरहेको बताईएको छ।

एनआरएनए जापान कान्साईका उपसंयोजक तथा नयाँ वर्ष विशेष कार्यक्रमका संयोजक शंकर भुषालका अनुसार आगामी जनवरी १ तारिखका दिन हुने उक्त कार्यक्रमको मुख्य उद्देश्य कान्साई क्षेत्रमा बसोबासरत नेपाली समुदायबीच आपसी सद्भाव र एकता सुदृढ गर्नुका साथै भइपरी आउँदा उपयोग हुने उद्देश्यले अक्षय कोष निर्माण गर्नु रहेको रहेको छ।

सांगीतिक कार्यक्रममा नेपालका प्रसिद्ध कलाकारहरूले प्रस्तुति दिने र जापानमा रहेका नेपाली समुदायका स्थानीय कलाकारहरूले पनि सहकार्य गर्ने जनाइएको छ।कार्यक्रमका सम्पूर्ण विवरण र कलाकारहरूको सूची छिट्टै सार्वजनिक गरिनेछ।

एनआरएनए कान्साईले यसअघि पनि विभिन्न, सामाजिक र मानवीय उद्देश्यका कार्यक्रमहरू आयोजना गर्दै आएको छ, जसले जापानमा रहेका नेपाली समुदायबीच एकता र सहयोगको भावना बलियो बनाउँदै आएको छ।