टोकियो,जापान। जापानमा पछिल्ला वर्षहरूमा लुकेका क्यामेरा प्रयोग गरेर बालबालिकामाथि यौन शोषण गर्ने घटनाहरू तीव्र रूपमा बढ्दै गएका छन्।

नागोया स्टेशनमा सन् २०२५ जनवरीमा भएको एक घटनाले यो विषय पुनः चर्चामा ल्याएको छ। त्यहाँका ३४ वर्षीया शिक्षकले १५ वर्षीया छात्राको ब्यागमा वीर्य लगाएको आरोपमा पक्राउ परे। सुरुवातीमा उनलाई “संपत्ति क्षति”को मामिलामा मुद्दा चलाइए पनि अनुसन्धान अघि बढ्दै जाँदा घटनाले भयावह रूप लियो।

उनको मोबाइलबाट विद्यालयकै बालबालिकाका तस्बिरहरू भेटिए । ति तस्बिरहरु शौचालय, पौडी पोखरी, जिम र लकर कोठामा लुकाइएका क्यामेराबाट खिचिएका थिए। ती तस्बिरहरू उनले अन्य शिक्षकहरूसँग बनेको अनलाइन समूहमा सेयर गर्दै आएको पनि प्रहरीले पत्ता लगायो। उक्त समूहमा करिब १० जना शिक्षक संलग्न रहेको बताइएको छ।

प्रहरीको तथ्यांकअनुसार जापानभर हिडन क्यामेरासँग सम्बन्धित अपराधका घटनामा तीव्र वृद्धि भएको छ। हाल वर्षमा ८ हजारभन्दा बढी पक्राउहरू भएका छन्, जुन अघिल्ला वर्षहरूमा ४ देखि ६ हजारबीच मात्र थियो।टेक्नोलोजीको तीव्र विकास र सामाजिक सञ्जालमा यस्ता सामग्री सजिलै सेयर गर्न सकिने वातावरणले अपराधीहरूलाई अझ प्रोत्साहित गरिरहेको विशेषज्ञहरूको निष्कर्ष छ।