टोकियो/जापान। इशिकावा प्रान्तमा उत्पादित उच्च गुणस्तरको हिउँदे येलोटेल (बुरी) को यो सिजनको पहिलो  कारोबारमा सोमबार कानाजावामा सम्पन्न भएको छ। नीलामीमा प्रस्तुत गरिएको ‘किरामेकी’ ब्रान्डको येलोटेल माछा ४० लाख येन (अन्दाजी २५ हजार अमेरिकी डलरभन्दा बढी) मा बिक्री भएको छ, जुन अहिलेसम्मका सबैभन्दा उच्च मूल्यसँग बराबरी गर्दै इतिहास दोहोर्याएको छ।

सो दिन केवल एक मात्र येलोटेललाई ‘किरामेकी’ ब्रान्डको प्रमाणपत्र प्रदान गरिएको थियो। किरामेकी मान्यता पाउन माछाले कडा मापदण्ड पूरा गर्नुपर्छ, जसमा न्यूनतम १४ किलोग्राम तौल, शारीरिक क्षति नदेखिनु र पर्याप्त मोटाइ तथा आकार हुनु पर्दछ।

हिउँदमा पकडिने येलोटेल माछा बाक्लो बोसोयुक्त हुने भएकाले स्वादिष्ट मानिन्छ। तीमध्ये पनि किरामेकी ब्रान्डलाई सबैभन्दा उत्कृष्ट मानिन्छ। सोमबार इशिकावा क्षेत्रमा कुल ५५२ येलोटेल माछा ल्याइएका थिए, जसमा केवल ९ वटा माछालाई किरामेकी प्रमाणिकरणको प्रक्रिया सञ्चालन गरिएको थियो।

लिलामी  विक्री भएको माछाको तौल १४.५ किलोग्राम र लम्बाइ ९२ सेन्टिमिटर रहेको बताइएको छ। यो माछा स्थानीय बजार तथा उच्चस्तरीय रेस्टुरेन्टहरूमा उच्च मूल्यमा प्रस्तुत गरिने अनुमान गरिएको छ।

इशिकावा क्षेत्र उच्च गुणस्तरको येलोटेलका लागि प्रसिद्ध मानिन्छ, र किरामेकी ब्रान्डले यो प्रतिष्ठालाई अझ मजबुत बनाउँदै गएको छ।