टोकियो,जापान। जापानमा दीर्घकालीन ब्याजदर बढ्दै गएपछि ठूला बैंकहरूले सन् २०२६ को जनवरीदेखि लागू हुने गरी आवास ऋण (हाउसिङ लोन) को स्थिर ब्याजदर बढाउने घोषणा गरेका छन्। यद्यपि, धेरै प्रयोगकर्ताले लिने परिवर्तनीय (भेरिएबल) ब्याजदर भने हाललाई यथावत् राखिएको छ। तर आगामी दिनमा त्यसमा पनि वृद्धि हुन सक्ने संकेत बैंकहरूले दिएका छन्।

आवास ऋणको स्थिर ब्याजदर निर्धारण गर्दा बैंकहरूले प्रायः १० वर्षे जापानी सरकारी बन्डको प्रतिफललाई आधार मान्ने गर्छन्। हालै जापानको केन्द्रीय बैंकले डिसेम्बर महिनामा ब्याजदर बढाउने निर्णय गरेपछि, भविष्यमा क्रमिक रूपमा थप वृद्धि हुन सक्ने अनुमान र सरकारी बन्डको जारी मात्रा बढ्ने अपेक्षाका कारण दीर्घकालीन ब्याजदर २ प्रतिशतभन्दा माथि पुगेको छ।

यसै सन्दर्भमा, ठूला बैंकहरूले जनवरीदेखि लागू हुने १० वर्षे स्थिर ब्याजदर (सबैभन्दा बढी छुट पाउने अवस्थामा) यसरी बढाउने जनाएका छन् — 三菱UFJ銀行 : ०.४२ प्रतिशत बिन्दुले वृद्धि भई २.६८ प्रतिशत,三井住友銀行 : ०.३० प्रतिशत बिन्दुले वृद्धि भई २.६५ प्रतिशत,みずほ銀行 : ०.२५ प्रतिशत बिन्दुले वृद्धि भई २.५५ प्रतिशत त्यसैगरी,三井住友信託銀行 : ०.१९ प्रतिशत बिन्दुले वृद्धि भई २.८४५ प्रतिशत  りそな銀行 : ०.२८ प्रतिशत बिन्दुले वृद्धि भई २.९४५ प्रतिशत

उता, धेरै प्रयोगकर्ताले रोज्ने परिवर्तनीय आवास ऋण ब्याजदर भने पाँचै बैंकले हाललाई परिवर्तन नगर्ने निर्णय गरेका छन्। तर, डिसेम्बरमा जापानको केन्द्रीय बैंकले ब्याजदर बढाएपछि आधारभूत छोटो अवधिको प्राइम रेट बढाउने तयारीमा बैंकहरू रहेकाले, आगामी दिनमा परिवर्तनीय ब्याजदर पनि बढ्न सक्ने सम्भावना देखिएको छ।

यसले जापानमा घर किन्न वा आवास ऋण लिने योजनामा रहेका उपभोक्ताहरूको मासिक भुक्तानीमा थप आर्थिक दबाब पर्न सक्ने देखिन्छ।