टोकियो । अनिच्छित गर्भधारण रोक्न प्रयोग गरिने आपतकालीन गर्भनिरोधक औषधि (मर्निङ–आफ्टर पिल) अब आज फेब्रुअरी २ देखि जापानमा चिकित्सकको प्रेस्क्रिप्सन बिना नै औषधि पसल तथा ड्रग स्टोरबाट खरिद गर्न सकिने भएको छ।

यो औषधि केवल पसलमै प्रत्यक्ष बिक्री गरिने व्यवस्था गरिएको छ। खरिदका क्रममा फार्मासिस्टबाट आवश्यक जानकारी तथा परामर्श भने लिनुपर्नेछ भने, औषधि त्यही स्थानमै सेवन गर्नु अनिवार्य गरिएको छ।

सरकारले अनिच्छित गर्भधारणको जोखिम घटाउने उद्देश्यले यो व्यवस्था लागू गरेको हो। यसअघि यस्तो औषधि प्राप्त गर्न चिकित्सकको सिफारिस आवश्यक पर्दै आएको थियो।