टोकियो, जापान । अन्तर्राष्ट्रिय नेपाली साहित्य समाज (अनेसास) जापान च्याप्टरले चर्चित कवि तथा गीतकार लालगोपाल सुवेदीसँग एक विशेष साहित्यिक कार्यक्रम ‘लालगोपालसँग कविता साँझ’ आयोजना गर्ने भएको छ। नेपाली भाषा, साहित्य र संस्कृतिको प्रवर्द्धन गर्ने तथा प्रवासमा साहित्यिक वातावरणलाई थप सशक्त बनाउने उद्देश्यले यो कार्यक्रम आयोजना गर्न लागिएको हो।

कार्यक्रम फेब्रुअरी २१ तारिख, साँझ ५ बजेदेखि टोकियोको सुगामोस्थित राइनो किचनमा सञ्चालन हुने आयोजकले जनाएको छ। यस काव्य साँझमा कवि सुवेदीले आफ्ना प्रतिनिधिमूलक तथा समसामयिक रचनाहरू वाचन गर्नुका साथै उपस्थित साहित्यप्रेमीहरूसँग प्रत्यक्ष संवाद गर्ने कार्यक्रम रहेको छ।