फुकुओका, जापान। जापानको फुकुओका शहरमा १३औँ संस्करणको ‘नेपाल फेस्टिवल फुकुओका २०२६’ आयोजना हुने भएको छ। नेपाली कला, संस्कृति, परम्परा तथा पर्यटन प्रवर्द्धन गर्ने उद्देश्यले यो फेस्टिवल यहि अप्रिल १८ र १९, २०२६ मा फुकुओकाको तेन्जिन सेन्ट्रल पार्कमा आयोजना गरिनेछ।

फुकुओका नेपाल फेस्टिवल कार्यकारी समिति २०२६ द्वारा आयोजित यस कार्यक्रमले जापानमा रहेका नेपाली समुदाय र जापानी नागरिकहरूबीच सांस्कृतिक आदान-प्रदानलाई बढावा दिने अपेक्षा गरिएको छ। फेस्टिवलमा नेपाली खानाका परिकार, हस्तकला, सांस्कृतिक प्रस्तुतिहरू र पर्यटनसम्बन्धी जानकारीका स्टलहरू रहनेछन्।

यो फेस्टिवल नेपाली संस्कृतिलाई अन्तर्राष्ट्रिय स्तरमा चिनाउन र नेपालको पर्यटनलाई प्रवर्द्धन गर्न महत्त्वपूर्ण भूमिका खेल्ने विश्वास गरिएको छ।