पछिल्लो समय सामाजिक संजालमा मिस नेपाल २०१७ सेकेन्ड रनरअप नीति शाहको चर्को बिरोध भैरहेको छ । निकै राम्रो फ्यान फलोइङ भएकी नीति शाहलाई धेरैले मिस नेपालको रुपमा हेर्न चाहेका थिए. तर उनि सेकेन्ड रनरअप बनिन् । करिव महिना दिन अगाडी नेपालको प्रतिनिधित्व गर्दै नीति मिस इन्टरनेशनलमा सहभागी हुन जापान पुगेकी थिइन् ।

मिस नेपालमा उनले दिएको जवाफबाट नै धेरै निराश बनेका थिए । यहि कुरा जापानमा पनि दोहिरियो । यतिबेला अंग्रेजी बोल्न नजानेको र विदेशी स्टेजमा नेपाली महिला र नेपाललाई गलत रुपमा प्रस्तुत गरेको भन्दै उनको आलोचना भैरहेको छ ।

जापानमा भएको मिस इन्टरनेशनलमा सवै प्रतिस्पर्धीलाई महिला शिक्षाको सम्बन्धमा विचार प्रस्तुत गर्न लगाइएको थियो । नीतिले नेपाली महिलालाई दुई समुहमा विभाजन गरेकी थिइन्. उनले ग्रामिण र शहरी दुई प्रकारका महिला हुने उनले बताएकी थिइन् । उनले सहरका महिला शिक्षित रहेको र गाउका महिला अशिक्षित रहेको बताएकी थिइन् । उनले ग्रामिण महिलाहरु विदेशमा वेचिने गरेको बताएकी थिइन् ।