टोकियो/जापान। जापानका सुपरमार्केटहरूमा अगष्ट १० सम्मको एक सातामा बिक्री भएको चामलको औसत मूल्य ५ किलोका लागि करसहित ३,७३७ येन पुगेको छ। यो मूल्य अघिल्लो साताभन्दा १९५ येन बढी हो। कृषि, वन तथा मत्स्य मन्त्रालयका अनुसार, यस वर्षको नयाँ चामलको बिक्री सुरु भएकाले मूल्य वृद्धि भएको देखिएको छ।

मन्त्रालयले देशभरका करिब १००० सुपरमार्केटमा चामलको बिक्री मूल्य संकलन गरी प्रत्येक सातामा सार्वजनिक गर्दै आएको छ।

त्यसअनुसार, अगष्ट ४ देखि १० सम्मको अवधिमा बिक्री भएको चामलको औसत मूल्य ५ किलोका लागि करसहित ३,७३७ येन पुगेको हो, जुन अघिल्लो साताभन्दा १९५ येन बढी भएको बताईएको छ।

यसमा, उत्पादन स्थान र जात एउटै रहेको ब्रान्ड चामलको औसत मूल्य ५ किलोका लागि करसहित ४,२३९ येन पुगेको छ, जुन अघिल्लो साताभन्दा ३७ येन महँगो हो। सरकारी भण्डारणको चामल मिसाइएको ब्लेन्ड चामलको मूल्य भने १९१ येन बढेर करसहित ३,१९० येन पुगेको छ।

कृषि मन्त्रालयले नयाँ चामलको बिक्री सुरु भएकै कारण चामलको मूल्यमा वृद्धि भएको हुनसक्ने जनाएको छ।