काठमाडौं ।भारतीय प्रधानमन्त्री नरेन्द्र मोदीको तेस्रो नेपाल भ्रमण तय भएको छ । हिन्दुस्तान टाइम्सको समाचार अनुसार भारतीय प्रधानमन्त्री नरेन्द्र मोदी यही मे २१ मा नेपाल भ्रमणमा आउने भएका छन् ।

नेपाल र भारतका अधिकारीहरुले भ्रमणको तयारी गरिरहेको बताइएको छ । मोदी जनकपुरसमेत जाने कार्यक्रम रहेको समाचारमा छ । २०१४ को सार्क सम्मेलनका बेला मोदी जनपुर जान चाहेका थिए । मोदीको यो तेस्रो नेपाल भ्रमण हुनेछ । संविधान जारीपछि भने यो उनको पहिलो भ्रमण हुनेछ । शुरुमा भारतले नेपालको संविधानलाई स्वागत गरेको थिएन् । यसअघिको भ्रमणमा मोदी जनकपुर जाने कार्यक्रम अनितम समयमा रोकिएको थियो ।

भारतले प्रधानमन्त्रीमा निर्वाचित भएपछि केपी शर्मा ओलीलाई भारत भ्रमणको निम्तो दिएका थिए । ओलीले चैत २३ गतेदेखि २५ गतेसम्म तीन दिने राजकीय भ्रमण गरेका थिए ।