टोकियो ।जापानको सेन्दाई शहरमा हृदयघातका कारण मृत्यु भएका पोखराका २७ बर्षिय बिकल थापाको शवलाई नेपाल पठाईने तयारी पुरा भएको छ ।

पोखरामा रहेको परिवारले मृतक थापाको शवलाई नेपाल ल्याईदिन अनुरोध गरेपछि कास्कि पोखरा समाज जापानले सहयोग सकंलन गरेको थियो । समाजले दिएको जानकारी अनुसार सेन्दाईबासी नेपालीहरु सहित जापानमा क्रियाशील संघ सस्था एंव जापानबासी नेपालीहरुगरी २३ लाख ६५ हजार ४ सय २४ जापानीज एन संकलन भएको कास्कि पोखरा समाज जापानका अध्यक्ष बिकास श्रेष्ठले बताउनु भयो । अध्यक्ष श्रेष्ठले थापाको शवलाई जनवरी १२ तारिख जापानबाट नेपाल पठाईने तयारी रहेको बताउदै, दुखको समयमा सहयोग गर्ने सबैलाई आभार ब्यक्त गर्नु भयो ।

बिगत ७ बर्ष देखि जापानको पूर्वउत्तरी शहर सेन्दाईमा श्रीमतीसगै बस्दै आएका थापाको ह्रदयघात भई मृत्यु भएको थियो। नेपालमा रहेको परिवारले मृतक थापाको शवलाई नेपालमा नै लैजान चाहेको भन्दै कास्कि पोखरा समाज जापानले सहयोगको लागि सबैमा अपिल गरेको थियो ।

केहि समय पहिले सेन्दाईमा नै पोखराका कै चिरंजीवी गिरीको सडक दूर्धटनमा परि मृत्यु भएको थियो ।