एजेन्सी । अमेरिकामा कोरोना भाइरससंक्रमणका कारण ज्यान गुमाउनेको संख्या मंगलबार राती १ लाख नाघेको छ । अमेरिकामा कोरोनाका कारण सर्वाधिक मृत्यु भएको छ भने संक्रमितको संख्या पनि कुनै देशभन्दा उच्च छ । यो आँकडा वर्ल्डोमिटर्सबाट लिइएको हो ।

अमरिकामा कोरोनाबाट १ लाख ५ सय ७२ पुगेको छ । १७ लाख २५ हजार २७५ जना कोरोनाबाट संक्रमित छन् । ४ लाख ७९ हजार ९६९ उपचारपछि निको भएका छन् ।

हालसम्म संसारका ५६ लाख ८१ हजार ६ सय १ व्यक्ति कोरोना भाइरसद्वारा संक्रमित छन् । साथै, २४ लाख ३० हजार ४ सय ६१ निको भइसकेका छन् । मृतकको संख्या ३ लाख ५२ हजार १ सय ६८ रहेको छ ।

अमेरिकाः यसरी बढ्दै गयो मृत्युदर

– २ मार्चसम्म यहाँ ६ जनाको मृत्यु भएको थियो

– २५ मार्चमा आँकडा १२ सय ६० पुग्यो

– २५ अप्रिलमा ५० हजार २ सय ३४ रह्यो

– २३ अप्रिल देखि २६ मे अर्थात् ३३ दिनमा यो दोब्बर भयो ।