काठमाडौं । नेपालमा बुधबार थप जनामा कोरोना संक्रमण पुष्टि भएको छ । स्वास्थ्य तथा जनसङ्ख्या मन्त्रालयको नियमित पत्रकार सम्मेलनमा मन्त्रालयका प्रवक्ता डाक्टर बिकास देवकोटाले थप ११४ जनामा कोरोना पुष्टि भएको जानकारी गराएको छ ।

यससँगै नेपालमा कोरोना संक्रमितको सङ्ख्या ८८६ पुगेको छ । संक्रमित मध्ये ७९६ पुरुष र ९० जना महिला छने ।

धरानमा गरिएको परिक्षणमा ११ जना, सप्तरी बोडेबसाई नगरपालिकाका ८ जना, सप्तरी बालन बिहुलका २ जना, सप्तरी सुरुङ्गाका १ छन् । कोशी अस्पतालमा गरिएको परिक्षणमा १७ जना, झापा गौरादह नगरपालिकाका दुई जना र झापाकै कचनकवलका १५ जना छन् ।
हेटौडामा गरिएको परिक्षणमा ८ जनामा पोजेटिभ देखिदा मकवानपुर हैटौडाका १ जना र रौतहट गढिमाई नगरपालिकाका ७ जना छन् । पोखरामा गरिएको परिक्षणमा बाग्लुङको तमानखोला गाँउपालिकाका ४ जना, बाग्लुङ बडीगार्ड गाउपालिकाकै २ जना गरी ६ जनाको कोरोना पुष्टि भएको छ ।

त्यसैगरी दाङमा गरिएको परिक्षणमा १८ जनामा पोजेटिभ देखिएको छ । रुकुम पुर्व उथाउत्तर गंगा गाँउपालिकाका ३ जना, दाङ घोराहीका ७ जना, दाङ लमहीका ८ जना,  भेरीमा गरिएको परिक्षणमा १६ जनामा पोजेटिभ देखिएको छ । बाँके डुडुवा गाँउपालिकाका २ जना, बाँके राप्ती सोनारीका ७ जना, बाँके बैजनाथका ६ जना, बाँकेकै खजुराका १ जना छन् ।

राष्ट्रिय जनस्वास्थ्य प्रयोगशाला काठमाडौंमा गरिएको परिक्षणमा ३८ जना, सिरहा सिद्धिचरणका १ जना, सिरहा ठेगाना भएका तर, रुपनी सप्तरीमा बस्ने १ जना, बारा प्रचौता नगरपालिकाका ७ जना, रौतहटका हाल बारामा रहेका १ जना, रौतहट गौरका ८ जना, रौतहट देवाही गुनाहीका २ जना, रौतहटकै कठरियाका २ जना, रौतहटकै श्री जनता स्कुलमा गरिएको परिक्षणमा १४ जना र रौतहट मदरसाका २ जना छन् । सबै पहिचान भएकाहरु क्वारेन्टाइनमा रहेका छन् ।  बुधबार थप २८ जना डिस्चार्ज भएसँगै डिस्चार्ज हुनेको सङ्ख्या १८३ पुगेको छ । प्रदेश १ बाट ३० जना, प्रदेश २ बाट ९७ जना, बाग्मती प्रदेशबाट ११ जना, गण्डकी प्रदेशबाट २ जना, प्रदेश ५ बाट ३८ जना र सुदूरपश्चिम बाट ५ जना छन् ।