काठमाडौं । गृह मन्त्रालयले लकडाउनलाई थप सहजीकरण गर्ने निर्णया गरेको छ । २८ जेठमा मन्त्रिपरिषदको निर्णयलाई परिमार्जन गर्दै थप सहजीकरण गर्ने निर्णय गरेको हो ।

शुक्रबार गृह मन्त्रालयले जारी गरेको विज्ञप्तिअनुसार अब विवाह, व्रतबन्ध, मृत्यु संस्कार, चाडपर्व, पूजापाठलगायतका सामाजिक तथा सांस्कृतिक कार्यक्रमहरू गर्नैपर्ने अवस्था आए तोकिएको सामाजिक दूरी कायम गरेर १५ जनाभन्दा नबढाई जम्मा भएर गर्न अनुमति दिएको छ ।

त्यसरी नै मालसमान ढुवानी गर्ने कुनै पनि प्रकारको सवारीसाधनमा रोक नलाग्ने जनाएको छ । हिँडडुलको हकमा भने राति १० देखि अति आवश्यक कामबाहेक बिहान ५ बजेसम्म रोक लगाउने निर्णय गरेको छ ।