टोकियो/जापान । शनिबार( मे १ तारिख) जापानभर कोरोना संक्रमितहरुको संख्या बढेको छ । रातीसम्मको डेटा अनुसार शनिबार एकैदिन जापानभर ५ हजार ९ सय ८६ जनामा कोरोना संक्रमण पुष्टि भएको छ ।

शनिबार, ओसाकामा १,२६२ जना, टोकियोमा १,०५० जना,ह्योगोमा ५३९ जना,आईतीमा ३९८ जना, फुकुओकामा ३५२ जना,खानागावामा २७५ जना,साईतामामा २३६ जना र होक्काईदोमा १८० को उच्च संक्रमणसंगै जापानका ४७ ओटै प्रान्तहरुमा संक्रमित पुष्टि भएको हो । संक्रमित संख्या बढेसंगै जापानमा कोरोनाका कारण ज्यान गुमाउनेहरुको संख्या पनि बढेको छ । शनिबार एकैदिन ८२ जना मानिसहरुले कोरोनाका कारण ज्यान गुमाएका छन् । यसका साथै जापानमा गत जनवरी महिनाको २९ तारिख यताकै धेरै गम्भीर प्रकृतीका बिरामीहरु थपिएका छन् ।

जापानमा हालसम्म ५ लाख ९९ सय हजार ७ सय जनामा कोरोना संक्रमण पुष्टि भएको छ । संक्रमित मध्ये १० हजार ३ सय ३८ जनाको मृत्यु भएको छ भने ५ लाख २३ हजार ८ सय ८६ जनाले स्वास्थ्य लाभ लिएका छन् ।