काठमाडौं, २८ भदौं । मलेसियामा जारी एसीसी यू–१९ एसिया कप छनोट अन्र्तगतको इस्टर्न क्षेत्रको छनोटको दोस्रो खेलमा नेपालले ५१ रनको लक्ष्य पाएको छ ।
मलेसियास्थित किनरारा ओभलमा टस जितेर पहिले ब्याटिङ गरेको भुटानले २८ ओभरमा अलआउट हुँदै ५० रन मात्र बनाउन सक्यो । नेपालले केही बेरमा ब्याटिङ गर्नेछ भुटानका टासी फुन्टोशोले १६ तथा उगेन दोर्जीले १३ रन बनाउनु बाहेक अन्य ब्याट्सम्यानले दोहोरो अंक जोड्न सकेनन् । भुटानलाई सस्तैमा समेट्न नेपालका कप्तान दीपेन्द्र सिंह ऐरीले ८ ओभरमा २३ रन खर्चिएर ५ विकेट लिए । यस्तै सन्दिप लामिछानेले ७ ओभरमा ७ रन खर्चिएर ४ विकेट लिए भने नन्दन यादवले एक विकेट लिए । पहिलो खेलमा थाइल्याण्डलाई पराजित गरेको नेपाली टोली आज भुटानलाई पराजित गर्दै दोस्रो चरणमा पुग्ने योजनामा रहेको छ । सोमबार भएको पहिलो खेलमा नेपालले थाइल्याण्डलाई २५५ रनले पराजित गरेको थियो । यता, भुटान भने पहिलो खेलमा सिंगापुरसँग ९ विकेटले पराजित भएको थियो ।