जापान । जापानको मौसम एजेन्सीले आज देशका अधिकांश क्षेत्रमा भारी वर्षा हुने जानकारी गराउदै आंधी, हुरी र बाढी पहिरो जस्ता प्रकोपबाट सुरक्षित रहन आग्रह गरेका छन् ।

अधिकारीहरुले जापानको उत्तरी क्षेत्रमा बर्षाका कारण आँधी र उच्च छालहरू साथै समधर भागमा डुवानको खतरा रहेको भन्दै सुरक्षित रहन आग्रह गरेका हुन् ।

उत्तर तर्फको समुन्द्री भागमाबाट बिकसित चक्रवात उत्तरपूर्वतर्फ बढिरहेको र होन्सु नजिकैबाट पूर्वतिर जाने अपेक्षा गरिएको अधिकारीहरुले बताएका छन् ।

बर्षाको बहाब जापानको पश्चिमी क्षेत्रबाट पूर्वी भाग तर्फ बढिरहेको संचार माध्यमहरुले उल्लेख गरेका छन् । बर्षाको असर सांझपख पश्चिमी जापान र मध्येरात सम्ममा पूर्वी र उत्तरी जापानमा देखिने मौसम एजेन्सीहरुले जनाएका छन् ।

दक्षिणी होक्काइदो, आकिता, यामागाता, फुकुसिमा र पूर्वी जापानको खानागावा क्षेत्रमा ुअलर्टु जारी गरिएको छ । त्यस बाहेक अरु सबै क्षेत्रमा सतर्क रहन सूचना जारी गरिएको छ । कान्तोउ क्षेत्रमा पर्ने नागानो प्रिफेक्चर भने वर्षाको प्रभाबबाट बाहिर रहेको संचारमाध्यमहरुले उल्लेख गरेका छन् ।