टोकियो/जापान । जापानले अनलाईन( सोसियल नेटवर्किंग साईट/मेलहरुको माध्यमबाट)हुने अपमान खिसिट्युरी( बुलिंग)गर्नेलाई जेल सजाय दिने विधेयक पारित गरेको छ ।

अनलाइन अपमान गर्नेहरुलाई कडा सजायको दिई यस्ता गतिविधिहरुलाई निरुत्साहित गर्न जेल सजाय दिनसक्ने सर्तहरू उल्लेख भएको विधेयक सोमबार माथिल्लो सदनको पूर्ण सत्रमा पारित भएको हो । जसले जापानमा साइबर बुलिङको सामना गर्नेहरुको हितमा महत्वपूर्ण सकारात्मक नतिजा दिने अपेक्षा गरिएको छ ।

जापानमा अनलाईन बुलिंङ अत्याधिक हुने गरेको बताईन्छ ।अनलाईन मार्फत गरिएको तथा फैलाईएको अपमानका कारण सामान्या नागरिकहरुदेखि ठूला/ठूला सेलिब्रेटीहरुले समेत आत्महत्या गर्ने गरेका घटनाहरु सार्वजनिक हुने गर्दछन् । सन २०२० मा यस्तै अनलाईन बुलिङका कारण चर्चित युवा रेस्लर तथा अर्का एक रियालिटी सो का कास्ट मेम्बरले आत्महत्या गरेको देखिएको थियो ।

अनलाईनको माध्यमबाट गरिने अपमान, बेईज्जती तथा खिसिट्युरी जस्ता गतिविधिहरुमा अव भने त्यस्ता गतिविधूहरुमा संलग्नहरुलाई कडा कारबाहीको दायरामा ल्याई,जेल सजाय समेत दिलाउन सकिने विधेयक पारित गरिएको हो । यस विधेयक अनुसार अव अनलाईन अपमान गर्नेहरुलाई १ वर्षसम्मको जेल तथा ३ लाख येन वा दुवै सजाय हुन सक्नेछ ।

यो विधेयक पारितसंगै, यतिखेर संसदमा, संविधानले प्रत्याभूत गरेको अनलाईन बुलिङबिरुद्धको कडा नियम र अभिव्यक्ति स्वतन्त्रताबीचको सम्बन्धलाई सन्तुलन कसरी कायम गर्ने भन्नेमा केन्द्रित भएको छ ।