टोकियो/जापान। जापानको ह्योगो प्रिफ्किचरमा एक प्रहरी अधिकृतले अधिक मादक पदार्थ सेवन गरी आफु संलग्न अनुसन्धानकै क्रममा रहेका तथा अन्य गरि ४ सय भन्दा बढि अपराध तथा सम्भावित अपराधीहरुको जानकारी हराएको प्रहरीले जनाएको छ ।

जापानी संचार माध्यमहरुमा प्रकाशित खबरका अनुसार,ति अनुसन्धान अधिकृतले मादक पदार्थले मातिएर बटोमै सुतिदिएका थिए । बेहोसीमा उनले ति अनुसन्धान विवरणले भरिएको झोला कतै फ्याकिदिएको या भुलेको हुनसक्ने अनुमान गरिएको छ ।

ति अनुसन्धान अधिकारीले गत शुक्रबार आफ्ना २ अनुसन्धान सहयोगीहरुसंगै, ह्योगोको निसिनोमियास्थित एक भट्टी पसलमा राती ८ः३० बजेबाट ११ बजेसम्म मद्यपान गरेका थिए ।४९ वर्षिया ति अधिकारी जब बिहान ५ बजेतिर ब्युझिए तब आफुसंग भएको कागजात राखिएको ब्याग हराएको थाह पाएको प्रिफेक्चरल प्रहरीले जनाएको छ ।

प्रहरीले कागजातमा संदिग्ध व्यक्तिको जन्ममिति, घरको ठेगाना र कार्यस्थल जस्ता व्यक्तिगत जानकारी समावेश गरेको थियो । यद्यपी हालसम्म ती जानकारीहरुको कतै दुरुपयोग भएको जानकारी नआएको बताईएको छ ।

जापानी प्रहरी अधिकारीहरूलाई अनुमति बिना कार्यस्थल बाहिर अनुसन्धान सामग्री लैजान निषेध गरिएको छ। तर अनुसन्धानकर्तालाई उद्धृत गर्दै प्रहरीले कागजात आफ्नो कार्यस्थलमा फिर्ता नगरी सिधै मदिरा पिउन बारमा गएको बताएको छ ।