जापान । आज (१५ तारिख) दिउँसो, एहिमे प्रिफेक्चरको एक टापुबाट उडेको एक सिटे हेलिकप्टर हिरोशिमा प्रिफ्क्चरमा दुर्घटनाग्रस्त अवस्थामा फेला परेको छ ।प्रहरीका अनुसार विमान नजिकै एक जना व्यक्ति फेला परेको र उनको मृत्यु भएको पुष्टि भएको छ ।

आज दिउँसो १ बजेपछि एहिमे प्रिफ्क्चरको कामिजिमा सहरको युगे तेशिमाबाट उडेको हेलिकप्टरको हिरोसिमा प्रिफेक्चरको राडारबाट सम्पर्क विहिन भएको थियो । प्रहरीका अनुसार हेलिकप्टर पछि हिरोसिमा प्रिफेक्चरको जिनसेकी कोगेनमा बाँध नजिकै दुर्घटनाग्रस्त अवस्थामा फेला परेको थियो ।

विमानको नम्बर अनुसार त्यो हराएको हेलिकप्टर भएको पुष्टि भएको भूमि, पूर्वाधार, यातायात तथा पर्यटन मन्त्रालयले जनाएको छ ।प्रहरीका अनुसार दुर्घटनाग्रस्त विमान नजिकै एक व्यक्ति फेला परेको थियो र पछि मृत घोषित गरिएको थियो। अहिले प्रहरीले विमानमा सवार पाइलटको पहिचान पुष्टि गर्ने प्रयास गरिरहेको छ ।

सरकारलाई बुझाएको उडान योजना अनुसार हेलिकप्टरले दिउँसो १ः१५ बजे एहिमे प्रिफेक्चरको कामिजिमा सहरबाट उड्ने र ३० मिनेटपछि हिरोसिमा प्रिफेक्चरको जिनसेकी कोगेन सहरको अफ-एयरफिल्डमा पुग्ने तालिका थियो।