टोकियो/जापान। यो वर्षलागेदेखि नै उच्च मात्रामा महंगी बढिरहेको जापानमा अब रेल सेवा संचालकहरुले पनि भाडा बढाउन् भएका छन् । जापानी संचार माध्यम एनएचकेमा प्रसारित एक खबरका अनुसार, अब ओदाईक्यु इलेक्ट्रिक रेलवे कम्पनीले आफ्नो सेवा रोमान्सकारको एक्सप्रेस भाडा पनि बढाएको छ ।

जापानमा यस वर्षको अन्त्यदेखि अर्को वर्षसम्ममा प्राय सबै रेलवे सेवाहरुको भाडा बृद्दि हुनेछ । ओदाईक्यु इलेक्ट्रिक रेलवेले अक्टोबरदेखि “रोमान्सकार” को एक्सप्रेसको लागि भाडा बढाउने घोषणा गरेको हो ।

कम्पनीले जनाए अनुसार आउँदो अक्टोबरबाट ओदाईक्युको रोमान्सकार एक्स्प्रेसको भाडा सिन्जुकुदेखि ओदावारासम्म ९१० येनबाट १००० येन, र सिन्जुकुबाट माचिदासम्मको भाडा ४२० येनबाट ५०० येन कायम हुनेछ ।

समग्रमा औसत २२ प्रतिशत भाडा बृद्दि गर्ने निर्णय गरेको कम्पनीले जनाएको हो । यसका जापानको प्रमुख रेलसेवा प्रदायक कम्पनी जेआर ईस्ट तथा वेस्टले पनि आफ्ना विभिन्न दुरीका सेवाहरुको भाडा वृद्धिको औपचारिक घोषणा गरिसकेको छ ।

जापानमा सन २०२२मा प्रवेश गरेसंगै हालसम्म दैनिक उपभोग्य वस्तु तथा सेवाहरु सहित झण्डै २० हजार वस्तु तथा सेवाहरुमा मुल्यवृद्धि भईसकेको छ ।