टोकियो/जापान । हिजो,अगस्ट १७ तारिख)बाट सेभेन इलेभेनले जापानले देशभरका पसलमा कोरोना भ्याक्सिनको प्रमाणपत्र जारी गर्न थालेको छ ।अब माईनम्बर कार्ड हुनेहरुले सेभेल ईलेभेनबाट सजिलै भ्याक्सिन पासपोर्ट निकाल्न सक्नेछन् ।

अहिलेसम्म प्रत्येक नगरपालिकाको काउन्टरमा प्रमाणपत्र जारी गर्ने वा स्मार्टफोन एप प्रयोग गरी इलेक्ट्रोनिक भर्सन देखाउनुपर्ने भए पनि गत महिनादेखि कन्विनिएंस स्टोरहरु मार्फत निकाल्न सकिने व्यवस्था भएको हो । यस अघि केही क्षेत्रहरूमा, सेइको मार्ट र अन्य स्टोरहरूले प्रमाणपत्र जारी गर्न थालेका थिए ।

सेभेनईलेभेन देशव्यापी रुपमा यो सेवा सुरु गर्ने पहिलो प्रमुख कन्विनिएंस स्टोर हो। यो सेवा बिहान ६ः३० बजे देखि बेलुकी ११ बजेसम्म उपयोग गर्न सकिनेछ । शुल्क १२० येन लाग्नेछ । केहि नगरपालिकाहरुमा यो सेवा तथा शुल्क एउटै नरहन पनि सक्छ ।