पोखरा। पोखराको छिनेडाँडामा खुकुरी प्रहार गरी श्रीमानले श्रीमतीको हत्या गरेका छन्। पोखरा महानगरपालिका वडा नं –१४ छिनेडाँडा राधाकृष्ण मार्गस्थित घरायसी विवादमा ४६ वर्षीय श्रीमान लोक बहादुर गुरुङले आफ्नै श्रीमती ४४ वर्षीया विमला गुरुङलाई टाउकोमा खुकुरी प्रहार गरी हत्या गरेका हुन्।

जिल्ला प्रहरी कार्यालय कास्कीले विमलालाई उपचारका लागि पश्चिम क्षेत्रीय अस्पताल लगेकोमा उनको अन्दाजी बिहान ११ बजे मृत्यु भएको हो। घटनामा श्रीमान् लोक बहादुर गुरुङ पनि घाइते छन्। प्रारम्भिक अनुसन्धानमा लोक बहादुरले श्रीमतीलाई टाउकोमा खुकुरी प्रहार गरी आफैलाई पेटमा खुकुरी प्रहार गरेको देखिएको छ ।

उनको अवस्था समेत गम्भीर रहेकाले विस्तृत विवरण खुल्न नसकेको उनले बताए । श्रीमती विमला हालैमात्र वैदेशिक रोजगारबाट नेपाल आएको बुझिएको छ । उनिहरुका तीनजना छोराहरु छन्।