टोकियो/जापान। जापानमा नक्कली आवास अनुमती कार्ड (在留カード) (जाईर्यु कार्ड) बनाउने गरेको एक समुहलाई राजधानी टोकियोसंगै जोडिएको चिबा प्रिफेक्चरबाट पक्राउ गरिएको छ ।

चिबा प्रिफेक्चरको एक घरमा जापानमा बस्ने ३४ वर्षिय स्वरोजगार व्यक्ति सहित ३ जनालाई पक्राउ गरिएको हो। त्यि व्यक्तिबाट बरामद पर्सनल कम्प्युटरमा विदेशीसहित करिब २० हजार व्यक्तिको डाटा फेला परेको र वास्तविक अवस्थाबारे प्रहरीले थप अनुसन्धान गरिरहेको बुझिएको छ ।

यसरी पक्राउ पर्नेमा, ३४ वर्षिया जापानी नागरिक ताकाहिरो मारुयामा र चिबा प्रिफेक्चरको आसाही सहरमा बस्ने २ जना चिनिया नागरिकहरु रहेका छन् । अनुसन्धान स्रोतका अनुसार तीनै जनाले यस महिनाको सुरुमा चिबा प्रिफेक्चरको असाही शहरको एक निवासमा नक्कली रेसिडेन्स कार्ड बनाएर अध्यागमन नियन्त्रण कानून उल्लङ्घन गरेको आशंका गरिएको छ।

उनिहरु बस्नेको घरमा नक्कली रेसिडेन्स कार्डको उत्पादन गर्ने गरेको अनुमान गरिएको छ र महानगरीय प्रहरी विभाग र ह्योगो प्रिफेक्चरल प्रहरीको संयुक्त अनुसन्धान मुख्यालयले खोजी गर्दा उनीहरूले नक्कली कार्ड, प्रिन्टर र करिब ३,००० कार्डहरू फेला पारेको बताईएको छ । प्रहरी अनुसन्धानका अनुसार तीनै जनाले सामान्य अभियोग स्वीकार गरेका छन् ।

जफत गरिएका कम्प्युटरहरूको जाँच गर्दा विदेशीसहित करिब २० हजार व्यक्तिको ग्राहकको तथ्याङ्क फेला परेको थियो र उनीहरूलाई प्रति कार्ड १५ सय येनदेखि ७ हजार ५ सय येनमा बेचेको अनुमान गरिएको छ ।

साथै, चीनमा एक प्रशिक्षकको सम्पर्कको आधारमा, यो निवास कार्डको अतिरिक्त ड्राइभर लाइसेन्स र स्वास्थ्य बीमा कार्ड नक्कली गर्ने गरेको आशंका सहित प्रहरीले वास्तविक अवस्थाको अनुसन्धान गरिरहेको छ।